मद्यपी वाहन चालकांवर कारवाईसह लायसन्स निलंबनाची नंदुरबार पोलिसांची मोहीम सुरूच

दैनिक चालु वार्ता

नंदुरबार : मा. पोलीस उप-महानिरीक्षक नाशिक परिक्षेत्र, नाशिक यांनी संपूर्ण नाशिक परिक्षेत्रात दारू पिऊन वाहन चालविणाऱ्या विरोधात विशेष मोहीम राबवून कारवाई करणे बाबत तसेच रस्ते अपघातांमध्ये मृत्युमुखी पडलेल्यांच्या संख्यांमध्ये झालेली वाढ लक्षात घेता मा. पोलीस अधीक्षक श्री पी. आर. पाटील यांनी नंदुरबार जिल्ह्यातील सर्व पोलिस ठाणे हद्दीत दारू पिऊन वाहन चालवणाऱ्या वाहन चालकाविरुद्ध वेळोवेळी विशेष मोहिमांचे आयोजन करण्यात आले होते.
नंदुरबार जिल्ह्यातील सर्व पोलिस ठाणे हद्दीत चारचाकी व दुचाकी मोटारसायकल चालकांची तपासणी केली असता काही वाहनचालकांनी मद्यपान केलेले आढळून आले. त्यामुळे त्यांच्या विरुद्ध वेगवेगळ्या पोलीस ठाण्यांमध्ये गुन्हे दाखल करण्यात आले. त्यामध्ये प्रामुख्याने नंदुरबार शहर – 21, उपनगर – 05, नंदुरबार तालुका- 10 , विसरवाडी-28 , नवापूर- 24, शहादा -10 , सारंखेडा- 06 म्हसावद- 6 धडगाव-10 अक्कलकुवा- 9 तळोदा-08 मोलगी – 07, शहर वाहतूक शाखा – 26 असे *एकूण 170 गुन्हे मध्ये बी चालकांवर नोंदविण्यात आले.* त्यातील 08 वाहनचालकांचे लायसन्स यापूर्वी तीन महिने व सहा महिने साठी निलंबित करण्यात आले होते.
दिनांक 30/12/2021 रोजी यातील उर्वरित 30 वाहन चालकांची लायसन्स निलंबन प्रस्ताव तसेच रस्ते अपघातातील पादचारी दुचाकी वाहन चालक व इतर रोगांच्या 134 गुन्ह्यातील अपघात करून पळून गेलेल्या वाहन चालकांच्या शोध घेऊन 26 वाहन चालकांचे लायसन्स निलंबन प्रस्तावाचे एकूण 56 वाहन चालकांची लायसन्स निलंबित करण्याचे प्रस्ताव उप प्रादेशिक परिवहन अधिकारी नंदुरबार यांचे कार्यालयात पाठविण्यात आले आहेत. तसेच भविष्यात ही मोहीम आणखी तीव्र करण्यात येणार आहे.
आगामी नववर्षाचे पूर्व संदेश देखील दारू पिऊन वाहन चालविताना कोणी दुचाकी स्वार व चार चाकी स्वारी आढळून आल्यास त्यांच्यावर अधिक कठोर कारवाई करून लायसन्स निलंबित करण्याची कारवाई करण्यात येईल असे मा. पोलिस अधीक्षक श्री पी आर पाटील यांनी सांगितले.
नंदुरबार जिल्हा पोलीस दलातर्फे आव्हान करण्यात येते की दारू पिऊन कोणीही वाहन चालवू नये दारू पिऊन वाहन चालविणे केवळ त्यांच्यासाठी नव्हे तर इतरांचे जीवितास देखील धोकेदायक आहेत नागरिकांनी स्वतःची व इतरांची सुरक्षिततेसाठी वाहतुकीचे नियम पालन करावे तसेच कोणीही मद्यपान करून वाहन चालवू नये.