रोटरी क्लब भिगवन च्या माध्यमातून पत्रकार दिनाचे औचित्य साधून भिगवण मराठी पत्रकार संघास संगणक भेट

दैनिक चालु वार्ता

भिगवण प्रतिनिधि
जुबेर शेख

भिगवण :- रोटरी क्लब भिगवन च्या माध्यमातून पत्रकार दिनाचे औचित्य साधून भिगवण मराठी पत्रकार संघास रोटरी क्लब च्या वतीने संगणक भेट देण्यात आला. बदलत्या जगामध्ये काळाच्या गरजेनुसार बदल घडावा या उद्देशाने रोटरी क्लब भिगवन ने मराठी पत्रकार संघास संगणक भेट दिला.
जगामध्ये खूप बदल होत आहेत तर ग्रामीण भागातील पत्रकारांमध्ये सुद्धा बदल घडावेत या उद्देशाने संगणक भेट देण्यात आला आहे असे रोटरी क्लबचे अध्यक्ष संजय खाडे यांनी मत व्यक्त केले.भिगवन रोटरी क्लब चे अध्यक्ष संजय खाड़े व त्यांचे सर्व सहकारी यांचे काम उल्लेखनीय असून हे सर्व जन नेहमी समाज उपयोगी कार्य करत असतात असे प्रतिपादन भिगवण पोलिस ठाण्याचे सहायक पोलिस निरीक्षक दिलीप पवार यांनी केले.
यावेळी उपस्थित असलेले मराठी पत्रकार संघाचे अध्यक्ष डॉ प्रशांत चवरे सर व त्यांच्या समवेत सर्व पत्रकार बंधू व भिगवण पोलिस स्टेशनचे ए पी आय पवार साहेब, जिल्हा परिषद सदस्य हनुमंत बंडगर, भिगवन गावचे सरपंच तानाजी वायसे, कर्मयोगी सहकारी साखर कारखाना चे संचालक पराग जाधव, डी एन काका जगताप,व रोटरी क्लब चे संस्थापक अध्यक्ष सचिन बोगावत, संपत बंडगर, रियाज भाई शेख, नामदेवजी कुदळे, संजय चौधरी, कमलेश गांधी, धरनेंद्र गांधी, खजिनदार प्रदीप ताटे, उपाध्यक्ष औदुंबर हुलगे संजय रायसोनी, तुषार क्षीरसागर, रंजीत भोंगळे ,डॉ अमित खानावरे हे उपस्थित होते. कार्यक्रमचे सूत्रसंचालन नवनाथ सावंत व आभार विजयकुमार गायकवाड यांनी व्यक्त केले.