नांदेड जिल्हा परिषदेच्या वतीने शेतकरी जनार्दन शेंबाळे यांना प्रगतशील शेतकरी बहुमान

दैनिक चालु वार्ता

लोहा :- लोहा तालुक्यातील हरसद येथील शेतकरी श्री.जनार्दन तुकाराम शेंबाळे यांना नांदेड जिल्हा परिषदेच्या वतीने प्रगतशील शेतकरी बहुमान मिळाला आहे. नांदेड जिल्हा परिषद येथे एका नियोजित कार्यक्रमात माजी मुख्यमंत्री, सार्वजनिक बांधकाम मंत्री तथा नांदेडचे पालकमंत्री अशोकराव चव्हाण यांच्या हस्ते शेतकरी श्री.जनार्दन तुकाराम शेंबाळे यांचा शाल श्रीफळ व प्रमाणपत्र देऊन सत्कार करून सन्मानित कण्यात आले.
यावेळी उपस्थित जिल्ह्याचे जिल्हाधिकारी विपीन इटंनकर, महापौर पावडे ताई, नांदेड दक्षिणचे आमदार मोहनराव हंबर्डे (आण्णा), महाराष्ट्र राज्य काँगेस कमिटी अध्यक्ष अमर भाऊ राजूरकर, माजी पालकमंत्री डी पी सावंत,जिल्हा परिषद अध्यक्षा सौ.मंगाराणी अंबुलगेकर,कृषी सभापती बाळासाहेब पाटील,पशू संवर्धन सभापती संजय आप्पा बेळगे,जिल्हा परिषद सदस्य मनोहर मामा शिंदे आदी उपस्थित होते.