सलमान खानच शेजार्‍यांसोबत जमेना प्रकरण थेट न्यायालयात!

दैनिक चालु वार्ता वृत्तसेवा

मुंबई :- बॉलिवूड अभिनेता सलमान खान याच्या वैयक्तिक आयुष्याविषयी जाणून घेण्याबद्दल त्याच्या चाहत्यांमध्ये मोठी उत्सुकता असते. तो आपल्या पनवेल इथल्या फार्महाऊसमधले फोटो, व्हिडीओ सोशल मीडियावर शेअर करत असतो. लॉकडाउनमध्येही सलमान त्याच्या या पनवेल इथल्या घरामध्ये राहत होता.
तिथल्या एक शेजाऱ्याविरोधात सलमानने तक्रार दाखल केली आहे. एबीपी माझाने दिलेल्या वृत्तानुसार, सलमान खाननं त्याच्या शेजाऱ्याविरोधात म्हणजेच केतन कक्कर विरोधात मानहानीचा दावा दाखल केला आहे. त्यानं म्हटलं आहे की, सोशल मीडियावर त्याचे फोटो पोस्ट केल्यामुळे त्याला आणि त्याच्या कुटुंबियांना त्रास झाला. यावर बंदी घातली पाहिजे.
केतन कक्कर यांच्या वतीने त्यांच्या वकिलांनी कोर्टाला उत्तर देण्यासाठी वेळ मागितला आहे. केतन कक्कर यांनी यूट्यूब चॅनेलवरून सलमानबाबत अपमानास्पद शब्दांचा वापर केला. हा दावा दाखल झाल्यानंतर न्यायालयानं कक्कर यांना उत्तर देण्यास सांगितलं आहे. या प्रकरणात पुढची सुनावणी २१ जानेवारीला होणार आहे.