हायवा ट्रक च्या धडकेत भोयेगाव येथील दोन दुचाकीस्वार जागीच ठार, सरपंचाची समयसूचकता भरधाव ट्रकचा पाठलाग करत वनसडी येथे ट्रकला पकडले

दैनिक चालु वार्ता

कोरपना :- कोरपना तालुक्यातील कवठाळा येथे गडचांदूर घुगुस जिल्हा महामार्गावर सायंकाळी साडेपाच वाजता चे सुमारास भरधाव हायवा ट्रकने कवठाळा स्टेट बँकेच्या अगदी समोर गडचांदूर वरून भोयगाव ला परत जाणाऱ्या दुचाकीला जोरदार धडक दिल्याने दूचाकी चालक विठ्ठल गुंजेकर 54 वर्ष पुरुषोत्तम निर 45 वर्ष हे जागीच ठार झाले.
घटनेची कल्पना लागताच कवठाळा गावचे सरपंच नरेश सातपुते हे आपल्या साथीदारा समवेत या ठिकाणी पोहोचले असता ट्रक चालक ट्रक सहित फरार झाल्याचे कळताच मात्र कवठाळा चे सरपंच नरेश सातपूते यांनी क्षणाचाही विलंब न करता स्वतःच्या दुचाकीने आपल्या साथीदारांसह वनसडी येथे तीस किलोमीटर अंतरावर नांरडा फाट्याजवळ शेवटी ट्रकला पकडले.
सदर घटनेची माहिती गडचांदूर पोलीस स्टेशनला दिली असता गडचांदूर चे ठाणेदार सत्यजित आमले, पोलीस उपनिरीक्षक प्रमोद शिंदे कवठाळा बीडचे अंमलदार चरणदास मडावी यांनी ट्रक ताब्यात घेत चालकाविरुद्ध गुन्हा दाखल केला असून पुढील तपास ठाणेदार यांच्या मार्गदर्शनाखाली सुरू आहे.
मागील दोन वर्षापासून गाव ते गडचांदूर या जिल्हा महामार्गाचे काम अगदी संथ गतीने सुरु असल्यामुळे या ही अगोदर या प्रकारचे अनेक अपघात याठिकाणी घडले अनेकांना कायमचे अपंगत्व आले आणि अनेकांना आपले प्राणही गमवावे लागले मात्र प्रशासनाच्या अगदी संथ आणि दुर्लक्षित धोरणामुळे मालिका सारखी सुरू आहे
नरेश मदन सातपुते (सरपंच कवठाळा)..