राज्यस्तरीय महात्मा फुले आदर्श शिक्षक पुरस्कार 2022 ने अशोक गायकवाड सर सन्मानित

दैनिक चालु वार्ता

पालघर :- संपूर्ण महाराष्ट्रात प्रसारित होणारे मासिक, शिक्षण संवेदन मासिक ( अनुराग प्रकाशन )वतीने 15 वा वर्धापन दिनानिमित्त राज्यस्तरीय पुरस्कार सोहळ्याचे आयोजन शिवजयंती दिनी 19 फेब्रुवारी 2022 रोजी अचार्य अत्रे नाट्यगृह कल्याण येथे करण्यात आले. पुरस्कार सोहळ्याची सुरूवात दीपप्रज्वलन, भारतीय संविधान पूजन व शिवजयघोषाने प्रमुख अतिथींच्या हस्ते करण्यात आली. शिक्षक अशोक गायकवाड हे मूळ बापगाव भिवंडी गावचे रहिवाशी असून जिल्हापरिषद शाळा डोहोळेपाडा येथे सहशिक्षक म्हणून कार्यरत आहेत.त्यांची एकूण सेवा 24 वर्ष 10 महिने पूर्ण झाली आहे.
तसेच ते कास्ट्राईब शिक्षक संघटना-महाराष्ट्र राज्य कोकण विभाग उपाध्यक्ष, सिद्धार्थ फाऊंडेशन वासिंद अध्यक्ष, समतासैनिक दल ठाणे जिल्हा संघटक प्रमुख अशा विविध पदांवर काम करत आहेत.अशोक गायकवाड करत असलेले उत्कृष्ट शैक्षणिक व सामाजिक कार्य व महापुरुषांचे विचार, कार्य विद्यार्थ्यांपर्यंत व समाजापर्यंत पोहचवून प्रबोधन करून समतावादी समाज घडवण्याचे बहुमोल कार्य करीत आहेत.अशा अनमोल कार्याबद्दल त्यांना शिक्षण संवेदन मासिक (अनुराग प्रकाशन) तर्फे राज्यस्तरीय महात्मा फुले आदर्श शिक्षक पुरस्कार 2022 सन्मानिय संपादक डाॅ. माधव गवई व डाॅ.केशर जाधव यांचे हस्ते शाल,पुष्पगुच्छ, आकर्षक सन्मान चिन्ह व पुस्तके व शिक्षण संवेदन मासिक संच देऊन सन्मानित करण्यात आले.
यावेळी प्रमुख अतिथी डाॅ. सुभाष खंदारे,अधिकारी विजय सिंह नाईक,प्रा.डाॅ.दिपक वाघ,प्रा.डाॅ.अपर्णा प्रभू,डाॅ.केशर जाधव, अॅड. दिलिप वाळंज सर , व इतर मान्यवर उपस्थित होते. पुरस्कार सोहळ्याचे आयोजन प्रा.डाॅ.माधव गवई संचालक, संपादक, शिक्षण संवेदन, प्रा.डाॅ.कमल माधव गवई प्रकाशिका अनुराग प्रकाशन कल्याण यांनी केले. या आनंद प्रसंगी शिक्षक अशोक गायकवाड यांनी सांगितले की,क्रांतीसूर्य महात्मा ज्योतिराव फुले यांनी प्रथम छत्रपती शिवाजीमहाराज यांची समाधी शोधून पहिली शिवजयंती साजरी केली.
अशा शिवजयंती दिनी मला क्रांतीसूर्य महात्मा फुले यांचे नावाने आदर्श शिक्षक पुरस्कार प्राप्त होतो ही माझ्यासाठी खूप सन्मानपूर्वक बाब आहे.मी धन्य धन्य झालो आहे. शिक्षक अशोक गायकवाड यांचे विविध सामाजिक स्तरातून, कास्ट्राईब शिक्षक संघटना-महाराष्ट्र राज्य पदाधिकारी,सदस्य, सिद्धार्थ फाऊंडेशन वासिंद संचालक, समतासैनिक दल ठाणे मुंबई कडून अभिनंदनाचा वर्षाव होत आहे.