रशिया- युक्रेन युद्धाचा तिसरा दिवस ; युक्रेनमध्ये जपानी जहाजावर रशियचा क्षेपणास्त्र हल्ला

दैनिक चालु वार्ता, वृत्तसेवा

नवी दिल्ली :- रशिया युक्रेन युद्धाचा तिसरा दिवस असून युद्ध भडकत आहे. ‘न्यूयॉर्क टाइम्स’च्या ताज्या अहवालात युक्रेनच्या सागरी हद्दीत जपानी जहाजावर क्षेपणास्त्र हल्ला करण्यात आल्याचा दावा करण्यात आला आहे. जहाजाच्या एका भागाला आग लागली. हे क्षेपणास्त्र रशियन सैन्याने डागल्याचे मानले जात आहे. यात जहाजाचे मोठे नुकसान झाले आहे. या जहाजाचे टग दुरुस्तीसाठी तुर्कीला आणले जात आहे. इकडे एपी या वृत्तसंस्थेने दावा केला आहे की, जर अमेरिका आणि नाटो थेट युद्धात सहभागी झाले तर रशियाचे अध्यक्ष व्लादिमीर पुतिन देखील अण्वस्त्रांचा वापर करू शकतात.
एका अधिकाऱ्याच्या हवाल्याने हा दावा करण्यात आला आहे.
रशियाने युक्रेनचे 800 लष्करी तळ नष्ट केल्याचा दावा केला आहे. यामध्ये 14 लष्करी एअरफील्ड, 19 कमांड पोस्ट, 24 S-300 विमानविरोधी क्षेपणास्त्र प्रणाली आणि 48 रडार स्टेशनचा समावेश आहे. याशिवाय युक्रेनच्या नौदलाच्या 8 बोटीही उद्ध्वस्त झाल्या.
यापूर्वी कीववर मोठा हल्ला झाला होता. यामुळे अनेक निवासी इमारतींचे मोठे नुकसान झाले. रशियाने मेलिटोपोल शहरही ताब्यात घेतले आहे. युक्रेनने 3,500 रशियन सैनिक, 02 टँक, 14 विमाने आणि 8 हेलिकॉप्टर मारल्याचा दावा केला आहे. ब्रिटन आणि अमेरिकेसह एकूण 28 देश आमच्या मदतीसाठी पुढे आले आहेत.
रशियाचा सामना करण्यासाठी ते आम्हाला शस्त्रे आणि इतर लष्करी उपकरणे देतील असा सामनाही युक्रेनने केला आहे. शुक्रवारी संयुक्त राष्ट्र सुरक्षा परिषदेने (UNSC) रशियाचा निषेध करणारा ठराव मंजूर केला. या प्रस्तावाच्या बाजूने 11 तर विरोधात 1 मते पडली. भारत, चीन आणि यूएई या देशांनी मतदानात भाग घेतला नाही. मात्र, रशियाने व्हेटो पॉवर वापरून हा निषेध प्रस्ताव फेटाळला.