महसूल विभागाकडून राका नगरची चौकशी पूर्ण, चौकशी दरम्यान राका नगर अनिधिकृतच ..!

दैनिक चालु वार्ता

मोखाडा :- तालुक्यातील खोडाळा नजीक त्रिंबकेश्वर रस्त्यालगत असलेले राका नगर हे प्लॉट विक्रीच्या नावाखाली ग्राहकाची फसवणुक करत असल्याचे समोर आले होते याची मोखाडा तहसीलदार कार्यालयाने गंभीरतेने दखल घेऊन राका नगरची चौकशी सुरू केली होती आता ही चौकशी पूर्ण झाली असून चौकशी दरम्यान राका नगर हे अनिधिकृतच असल्याचे निष्पन्न झाले असल्याने राका नगरमध्ये प्लॉट खरेदी करणाऱ्या ग्राहकांची उघड उघड फसवणूक झाली असल्याचे समोर आले आहे.

सविस्तर प्रकरण काय..?

मागील तीन ते चार वर्षा पूर्वी रवी बहादूर त्याचा साथीदार कैलास दुबे याने कवडीमोल किमतीने जागा विकत घेऊन, त्या जागेवर प्लॉट पाडून हेच प्लॉट आता लाखो रूपायाला विकले जात आहेत परंतु या प्लॉट विक्रीच्या नावाखाली फसवणूक होत असल्याची धक्कादायक बाब समोर आली असून ,राका नगरच्या फेसबुक पेजवर मात्र एन.ए प्लॉट असल्याची बतावणी करून ग्राहकांना भुरळ घालण्याचा प्रयत्न केला जात आहे. गेल्या अनेक वर्षांपासून हा गोरखधंदा सुरू आहे
ही जागा एन.ए नसल्याची समोर आल्याने मात्र हा फसवणुकीचा प्रकार चव्हाट्यावर आला आहे. सदरची विकत घेतलेली जागा ही शेतजमीन असल्याने शासनाच्या नियमानुसार त्याठिकाणी कोणतेही बांधकाम करता येणार नाही. त्यासाठी ती बिन शेती (एन.ए) असणे आवश्यक आहे . परंतु या हरामखोरांनी शासनाच्या नियमांना धाब्यावर बसवून अनधिकृतपणे प्लॉट ची विक्री केली जात आहे. यामुळे ग्राहकांनी जरी प्लॉट खरेदी केले असले तरी त्यांना त्या ठिकाणी बांधकाम करता येणार नाही. यामुळे राजरोसपणे सामान्य ग्राहकांची फसवणूक करणाऱ्या या महाठकांनवर आता काय कारवाई केली जाणार हे पहाणे महत्वाचे ठरणार आहे

खोडाळा ग्रामपंचायतीचे दुर्लक्ष

राका नगर हे नामांतर अनिधिकृतच आहे ग्रामसभेत कोणताही मंजुरीची ठराव झाला नसताना हे नाव देण्यात आले आहे अनधिकृत नामांतरावर खोडाळा ग्रामपंचायत कारवाई कधी करणार असा प्रश्न आहे.