दैनिक चालु वार्ता 
दैनिक चालु वार्ता
पुणे प्रतिनिधी
शाम पुणेकर
पुणे :- फुकट भाजी दिली नाही, म्हणून गुंडांनी विक्रेत्या तरुणाला मारहाण करुन पाया पडायला लावले तसेच त्याचा व्हिडिओ सोशल मीडियावर व्हायरल करुन दहशत माजवण्याचा प्रयत्न केला. धनकवडी परिसरातील बालाजीनगर येथील रजनी कॉर्नर येथील या घटनेचा हा प्रकार समोर आला आहे. या संबंधी माहिती अशी की, या गुंडांनी एका तरुणाला त्याच्या आईसमोर कपडे फाटेपर्यंत मारहाण करुन पाया पडायला लावले आहे. बालाजीनगरमधील गुलमोहर अपार्टमेंटसमोर हा प्रकार घडलेला दिसून येत आहे.
दुसऱ्या घटनेत मोटारसायकलवर रायडिंग करत आलेल्या गुंडांनी दुचाकीस्वारांवर हल्ले केले जात असल्याचे समजले आहे. अन्य एका ठिकाणी बालाजीनगरमधील गुंडाची टोळी हातात कोयते घेऊन जाताना दहशत माजवत होते. या भागात गुंडांची दिवसेंदिवस दहशत वाढत चालल्यामुळे नागरिकांमध्ये भीतीचे वातावरण निर्माण झाले आहे.
