दैनिक चालु वार्ता 
दैनिक चालु वार्ता
पुणे प्रतिनिधी
शाम पुणेकर
पुणे :- विद्येचं माहेरघर समजलं जाणाऱ्या पुण्यामध्ये एक लज्जास्पद प्रकार समोर आला आहे. शिक्षणाचं मंदिर मानलं जाणाऱ्या एका शैक्षणिक संकुलात एका ५४ वर्षीय प्राध्यापकाने स्वत:पेक्षा निम्म्या वयाच्या प्राध्यापिकेला तिच्या इच्छेविरुद्ध मिठी मारली आहे. दरम्यान संबधित महिलेच्या तक्रारीनंतर त्याच्यावर विनयभंगाचा गुन्हा दाखल करण्यात आला आहे. दहावी-बारावीच्या परीक्षेचे पेपर तपासणीचे काम या तरूण प्राध्यापिकेकडे होते. पुण्यात एका महाविद्यालयाच्या प्राध्यापकाकडे समन्वयाची जबाबदारी देण्यात आली होती. त्यानुसार पेपर जमा करण्यासाठी या प्राध्यापकाकडे आलेल्या ह्या २७ वर्षीय प्राध्यापक तरुणीचा त्याने विनयभंग केला.
या प्रोफेसर तरुणीच्या इच्छेविरुद्ध तिला मिठी मारून हा विनयभंग करण्यात आला. ही घटना सोमवारी ४ एप्रिलला दुपारच्या सुमारास पुणे-सातारा रस्त्यावरील एका शैक्षणिक संकुलात घडली.
या घटनेनंतर संबंधित प्रोफेसर तरुणीने आपल्या कुटुंबीयांना याची माहिती दिली. कुटुंबियांनी पोलीस स्टेशन गाठून संबंधित प्रोफेसर विरोधात तक्रार दिली. भारती विद्यापीठ पोलिसांनी या प्रकरणी गुन्हा दाखल केला असून विकास पवार ह्या प्राध्यापकाला अटक केली आहे.
