दैनिक चालु वार्ता 
दैनिक चालु वार्ता
अमरावती प्रतिनिधी
श्रीकांत नाथे
अमरावती :- डॉ.बाबासाहेब आंबेडकर जयंती दिनी दि.१४ एप्रिल रोजी अमरावती जिल्ह्यातील सर्व देशी व विदेशी किरकोळ मद्य विक्री अनुज्ञप्त्या संपूर्ण बंद ठेवण्याचे आदेश जिल्हाधिकारी पवनीत कौर यांनी निर्गमित केले आहेत. जिल्ह्यात शांतता व सुव्यवस्था अबाधित राखण्याच्या दृष्टीने मुंबई दारूबंदी कायद्यामधील कलम १४२ (१) अन्वये अधिकाराचा वापर करून अमरावती जिल्ह्यातील सर्व किरकोळ मद्य विक्री अनुज्ञप्त्या सीएल-३, एफएल-२, सीएलटीओडी-३, एफएलबीआर-२, एफएल-३ आदी सर्व दि.१४ एप्रिल रोजी संपूर्ण दिवस बंद ठेवण्याचे आदेश जिल्हाधिकारी श्रीमती पवनीत कौर यांनी निर्गमित केले आहेत.
अनुज्ञप्तीधारकांनी व संबंधितांनी या आदेशांचे पालन न केल्यास त्यांच्याविरुद्ध नियमानुसार योग्य ती कारवाई करण्यात येईल,असा इशाराही आदेशाद्वारे देण्यात आला आहे.
