श्री निकेतन हायस्कूल मध्ये क्रांतीसुर्य महात्मा ज्योतिबा राव फुले यांची जयंती साजरी

दैनिक चालु वार्ता

नांदेड :- दिनांक. ११ एप्रिल, श्री निकेतन हायस्कूल, दिपक नगर, तरोडा (बु) नांदेड येथे, राष्ट्रपिता महात्मा जोतीराव फुले यांची जयंती साजरी करण्यात आली. प्रारंभी शाळेचे मुख्याध्यापक श्री यशवंत थोरात सर यांच्या हस्ते राष्ट्रपिता महात्मा जोतीराव फुले यांच्या प्रतिमेचे पूजन करण्यात आले.तद्नंतर शाळेतील शिक्षिका सौ सोनकांबळे के जी मॅडम यांनी कार्यक्रमाचे प्रास्ताविक केले. यावेळी शाळेतील विद्यार्थ्यांची भाषणे झाली.तर श्री प्रकाश कळकेकर सर यांनी मार्गदर्शन केले.
माध्यमिक शाळेचे मुख्याध्यापक श्री यशवंत थोरात सर यांनी अध्यक्षीय समारोप करताना ‘नीती हाच मानवी जीवनाचा आधार आहे’.हा विचार मांडणारे जोतीराव फुले एक तत्त्वचिंतक व्यक्तिमत्त्व होते. असे उदगार काढले.यावेळी शाळेततिल विद्यार्थ्यांची भाषणे झाली. सूत्रसंचालन श्री उमाकांत व्हनशेट्टे यांनी केले. तर आभार प्रदर्शन श्री शिवाजी माळेगावे यांनी मानले. यावेळी सर्व विद्यार्थ्यी, शिक्षक, शिक्षिका व शिक्षकेतर कर्मचारी उपस्थित होते.