किसान भागीदारी, प्राथमिकता हमारी मोहीम देशभर राबविणार

दैनिक चालू वार्ता

अजय चव्हाण प्रतिनिधी

केंद्र शासनाने प्रधानमंत्री किसान सन्मान योजनेच्या सर्व पात्र लाभार्थ्यांना किसान क्रेडिट कार्ड उपलब्ध करून देण्याबाबत ची मोहीम सुरू केली आहे. सदरची” मोहीम ही भारतीय स्वातंत्र्याच्या अमृत महोत्सव वर्षांतर्गत आत्मनिर्भर भारताचा एक भाग म्हणून देशभर राबविण्यात येत आहे. यासाठी “किसान भागीदारी, प्राथमिकता हमारी” नावाची मोहीम दि.24/04/2022 ते 01/05/2022 या कालावधीत देशभर राबविण्यात येणार आहे व या मोहिमेत प्राधान्याने प्रधानमंत्री किसान सन्मान योजनेच्या सर्व पात्र शेतकऱ्यांना किसान क्रेडिट कार्ड उपलब्ध करून देण्यात येणार आहे.
राज्यात पी. एम. किसान नोंदणीकृत एकूण 114.93 लाख लाभार्थ्यापैकी 81.36 लाख लाभार्थी किसान क्रेडिट कार्ड धारक आहेत. राज्यात जवळपास 33.57 लाख पी. एम. किसान नोंदणीकृत लाभार्थी हे किसान क्रेडिट कार्ड धारक नाहीत. यासाठी 24/04/2022 रोजी राज्यातील सर्व ग्रामपंचायतीमध्ये सर्व लाभार्थ्यांना किसान क्रेडिट कार्ड उपलब्ध करून नेण्यासाठी विशेष ग्रामसभेचे आयोजन करण्यात आले आहे. या विशेष ग्रामसभेत किसान क्रेडिट कार्ड योजनेसाठी विहित नमुन्यातील अर्ज उपलब्ध राहणार आहे. केंद्र शासनाने या मोहिमेच्या अंमलबजावणी साठी सविस्तर कार्य प्रणाली उपलब्ध करून दिलेली असून किसान क्रेडिट कार्ड उपलब्ध करून देण्याची कार्यवाही सरकार,महसूल, ग्रामविकास, कृषी, पशुसंवर्धन, दुग्धविकास, मत्स विभाग, नाबार्ड व जिल्हा अग्रणी बँक या सर्व यंत्रणांच्या समन्वयाने करावयाची आहे.
संबंधित सर्व बँक किसान क्रेडिट कार्ड उपलब्ध करून देण्याच्या विहित कार्य प्रणाली नुसार पात्र लाभार्थ्यांचे अर्ज विशेष ग्रामसभेत घेवून दि.01/05/2022 पर्यंत किसान क्रेडिट कार्ड मंजूर करणेची कार्यवाही पूर्ण करतील. यासाठी जिल्हा अग्रणी बँक यांनी त्यांच्या कार्यक्षेत्रातील सबंधित सर्व बँकांनी योजनेतील सर्व लाभार्थी यांना किसान क्रेडिट कार्ड उपलब्ध करून देण्याची व त्यांचे पी. एम.किसान लाभ मिळत असलेले बँक खाते आधार आधारित बँक खाते आधार आधारित पेमेंट साठी अधिकृत करून घेण्यासाठी सनियंत्रित करावे, असे निर्देश मा. आयुक्त कृषी यांनी दिले आहे.
तसेच पीक विमा योजने अंतर्गत विमा कंपन्याचे जिल्हा व्यवस्थापक व कृषी विभाग हे दि.24 एप्रिल 2022 रोजी आयोजित विशेष ग्रामसभेत पीक विमा योजनेविषयी माहिती देतील. तसेच राज्यातील शेतकऱ्यांनी पीक विमा योजनेत सहभाग घ्यावा साठी दि.27/04/2022 रोजी गावनिहाय “पीक विमा पाठशाळा” (वेब कास्ट) चे आयोजन केले आहे. या पाठशाळा मध्ये शेतकऱ्यांना प्रधान मंत्री पीक विमा योजने बाबत सविस्तर माहिती देवून शेतकऱ्यांचा सहभाग वाढविण्याच्या दृष्टीने प्रयत्न करण्यासाठी आदेश मा. आयुक्त कृषी यांनी दिले आहे.
या अनुषंगाने सबंधित सर्व यंत्रणांनी समन्वयाने कार्यवाही करून “किसान भागीदारी, प्राथमिकता हमारी” मोहीम यशस्वी करण्यासाठी मा. आयुक्त कृषी यांनी सूचना निर्गमित केल्या आहेत.