८० जागांसाठी १३४२५ विद्यार्थी देणार नवोदय ची परीक्षा

दैनिक चालु वार्ता

शेगांव :- दि.२४. जवाहर नवोदय विद्यालयात इयत्ता सहावी साठी निवड चाचणी परीक्षा दोन हजार बावीस येत्या ३० एप्रिल रोजी ४२ परीक्षा केंद्रावर होणार आहे. ८० जागेसाठी तब्बल १३ हजार ४४५ विद्यार्थी परीक्षेला बसणार आहेत. याबाबत जिल्ह्यातील सर्व पालक,शिक्षक व मुख्याध्यापकांना सूचना देऊन कळविण्यात आले आहे.दिनांक ३० एप्रिल शनिवार रोजी जवाहर नवोदय विद्यालय प्रवेश परीक्षा दोन हजार बावीस वर्ग सहावी प्रवेशासाठी बुलढाणा जिल्ह्यातील एकूण ४२ परीक्षा केंद्रात ही परीक्षा आज पासून त्यासाठी लागणारे प्रवेश पत्र संकेतस्थळावर लॉग इन करून प्राप्त करता येणार आहेत.
यासाठी युजरनेम हे विद्यार्थ्यांचा ऑनलाइन अर्ज भरताना मिळालेला रजिस्ट्रेशन नंबर राहील व पासवर्ड विद्यार्थ्यांची जन्मतारीख राहील.हे अर्ज ऑनलाइन पद्धतीने भरलेले असल्यामुळे त्यात कोणताही बदल करण्यात येऊ शकत नाही.या परीक्षेसाठी सर्व विद्यार्थ्यांनी दिनांक ३० एप्रिल रोजी सकाळी साडेदहा पर्यंत दिलेल्या परीक्षा केंद्रावर उपस्थित राहावे. असे आवाहन शिक्षणाधिकारी प्रकाश मुकुंद व नवोदय विद्यालय शेगाव चे प्राचार्य आर. आर. कसर यांनी केले आहे.विशेष म्हणजे प्रवेश पत्र दोन प्रति मधुन डाऊनलोड केल्यानंतर आपल्या शाळेच्या मुख्याध्यापक किंवा प्राचार्यांकडून स्वाक्षरी करून घ्यावे. हे स्वाक्षरी प्रवेश पत्र पर्यवेक्षका कडे जमा करावे लागणार आहे. अधिक माहितीसाठी जवाहर नवोदय विद्यालय शेगाव येथे संपर्क साधावा असे आवाहन प्राचार्य आर.आर. कसर यांनी केले आहे.