कोल्हापूरहून एक धडधडतं ह्रदय अल्पावधीधच पोहचलं पुण्यात

दैनिक चालु वार्ता

पुणे :- फक्त अडीच तास इतक्या वेळेत गाडीने ट्रॅफिकमुळे मुंबईतल्या मुंबईत किंवा एका शहरातून दुसऱ्या शहरात जाणंही मोठं आव्हानच. मग दोन जिल्ह्यातील अंतर इतक्या कमी वेळेत पार करणं हे अशक्यच. पण एका धडधडत्या हृदयाने मात्र कोल्हापूर-पुणे हे तब्बल २७० किमीचं अंतर अवघ्या १५० मिनिटांत पार केलं आहे. कोल्हापूरहून एक जिवंत हृदय पुण्यात प्रत्यारोपणासाठी आणण्यात आलं.  अवयवदान, अवयव प्रत्यारोपण याबाबत तुम्हाला आता माहिती असेलच. असचं अवयदान आणि अवयव प्रत्यारोपण पुणे आणि कोल्हापुरात झालं आहे. 
  कोल्हापूरच्या देवळेतील २५ वर्षांचा तरुणाचा अपघात झाला. त्यानंतर त्याला कोल्हापुरातील खासगी रुग्णालयात दाखल करण्यात आलं. त्याच्या कुटुंबात त्याचे पालक आणि एक भाऊ आहे. त्यांनी त्याचे अवयव प्रत्यारोपण करण्याची परवानगी दिली. त्याचं यकृत आणि एक किडनी कोल्हापुरातील अॅस्टेर आधार रुग्णालयात देण्यात आली. तर दुसरी किडनी पुण्यातील पुना रुग्णालयात पाठवण्यात आली. हृदय सह्याद्री हॉस्पिटलमधील रुग्णाला देण्यात आलं. ह्यालाच म्हणतात आपुलकी, माणूसकी!