पोलीस प्रशासकीय इमारती व शासकीय निवासस्थानेअद्यावत करणार

दैनिक चालु वार्ता

नांदुरा :- दि.२७.पोलीस अधीक्षक बुलढाणा यांच्या अधिपत्याखाली पोलीस स्टेशन मलकापूर शहर व ग्रामीण येथील प्रशासकीय इमारत व शासकीय निवासस्थान बांधकाम करण्यात यावे अशा आशयाचे निवेदन मलकापूर मतदार संघाचेआमदार राजेश एकडे यांनी दिलीप वळसे पाटील गृहमंत्री महाराष्ट्र राज्य यांना दि. २६ एप्रिल रोजी दिले. या निवेदनात पोलीस अधीक्षक बुलढाणा यांच्या अधिपत्याखालील पोलीस स्टेशन मलकापूर शहर व ग्रामीण येथील प्रशासकीय इमारत व शासकीय निवासस्थानाचे बांधकाम हे फार वर्षांपूर्वी चे अतिशय जुने शिकस्त झाल्याने तेथील शासकीय निवासस्थानाचे फार मोठ्या प्रमाणात पडझड झालेली आहे.
त्यामुळे शासकीय निवासस्थानाचा वापर करणे धोकादायक होऊ शकतो. तसेच बुलढाणा जिल्हा पोलिस दलात सतत होत असलेल्या पोलीस भरती प्रक्रियेमध्ये निवड झालेल्या पोलीस कर्मचाऱ्यांचे प्रात्यक्षिक प्रशिक्षण पूर्ण झाल्यावर पोलीस स्टेशन मध्ये वितरीत केले जातात त्यामुळे पोलीस अधिकारी व कर्मचारी यांच्या संख्येत वाढ होत असून तेथील प्रशासकीय इमारत व निवासस्थाने राहण्यास अपुरी पडत आहे.त्यामुळे पोलिस स्टेशन अंतर्गत प्रशासकीय इमारती व शासकीय निवासस्थानी तसेच बॅरेक बांधकामाचे आवश्यकता आहे. मलकापूर शहर १२९ व मलकापूर येथील पोलीस अधिकारी व कर्मचारी असे मनुष्यबळ आहे.तरी मलकापूर शहर व ग्रामीण पोलीस अधिकारी व कर्मचारी मंजूर संख्या बळाच्या ७० टक्के प्रमाणे शासकीय निवासस्थान व प्रशासकीय इमारत बांधकाम करण्यात यावे असे नमूद आहे.