दैनिक चालू वार्ता नांदुरा प्रतिनिधी- किशोर वाकोडे
कोल्ही गवळी ( मोताळा) : देि.२८. सध्या लग्न जमलं की, प्री वेडिंग आणि पोस्ट वेडिंग ट्रेंड जोरात सुरू आहे.अनेक जण प्री वेडिंग आणि पोस्टमध्ये व्यस्त असतात. मात्र, एक नवरदेवाने प्री वेडिंग न करता एक वेगळाच प्रकार केला आहे. त्याने जे केलं त्याचं सर्वत्र केलं जात आहे. या नवरदेव मुलाचे नाव प्रतीक बोराळे असे आहे.
त्याने नानमुखाच्या दिवशी वऱ्हाडींना सोडून थेट नेहमीप्रमाणे म्हशीचे दूध काढायला प्राधान्य दिले. हा प्रकार मोताळा तालुक्यातील कोल्ही गवळी येथे घडला. प्रतीक बोराळे याचे २७ मे ला लग्न होते. मात्र, २६ मेला म्हणजे लग्नाच्या एक दिवस आधी नानमुखाचा कार्यक्रम होता.
यावेळी प्रतीक वऱ्हाड्यांना सोडून गोठ्यात गेला आणि तिथे म्हशीचे दूध काढले. यानंतर २६ मे च्या दिवशी नानमुखाचा कार्यक्रम झाला आणि २७ मे ला त्याचे लग्न झाले. म्हैस त्याला एकट्यालाच दूध काढू देते – या घटनेतून प्रतीक कर्तव्यदक्ष आणि व्यवसायाशी प्रामाणिक असल्याचे दिसून आले आहे. तर या घटनेदरम्यान आणखी एक माहिती समोर आली.
ती म्हणजे, त्यांच्या येथील म्हैस ही फक्त प्रतिकलाच एकट्याला दूध काढू देते. त्यामुळे त्याला नानमुखाचा कार्यक्रम सोडून दुढ काढावे लागले. तर आता लग्नानंतरही त्यालाच या म्हशीचे दूध काढावे लागणार आहे. त्यामुळे हे काम आपण आनंदाने करणार, असेही तो म्हणाला आहे.
– बुलडाणा आणि मोताळा तालुका हा खव्यासाठी प्रसिद्ध आहे. याठिकाणी अनेक शेतकरी पशुपालन हा जोडधंदा करतात. त्यामुळे दुध व्यवसायाने याठिकाणी चांगली भरारी घेतली आहे. याच दरम्यान, येथील खवाही चांगलाच प्रसिद्ध झाला आहे. दुधाच्या व्यवसायामुळे याठिकाणी मोठ्या प्रमाणात गायी, म्हशी पाहायला मिळतात.