जि प हायस्कूल पेनुर येथे केंद्रस्तरीय शिक्षण परिषद संपन्न. ◾अर्जुन कांबळे सर यांना सेवापुर्ती निरोप.

दैनिक चालु वार्ता नांदेड प्रतिनिधी- गोविंद पवार

दिनांक ३० जून २०२२ रोजी जि प हायस्कूल पेनुर येथे शि.वि. अ.सरस्वती अंबलवाडी मॅडम केंद्रप्रमुख श्री नागोराव जाधव यांच्या उपस्थितीत शेवडी केंद्रातील सर्व शिक्षकांची नवीन शैक्षणिक वर्षातील पहिली शिक्षण परिषद उत्साहात आनंददायी वातावरणात पार पडली. प्रारंभी क्रांतीज्योती सावित्रीबाई फुले यांच्या प्रतिमाचे पूजन व दीपप्रज्वलन करून कार्यक्रमाची सुरुवात करण्यात आली. याप्रसंगी केंद्रीय मुख्याध्यापक श्री आनंदा नरवाडे अंतर्गत सर्व मुख्याध्यापक, शिक्षक वृंद आदी सह इतर मान्यवर उपस्थित होते. यावेळी सुलभक उद्धव मुळे सर यांनी उपस्थितांना निपून ‘भारत मिशन’ बद्दल सखोल मार्गदर्शन केले. निपून भारत अंतर्गत येणारा वयोगट, रूपरेषा,करावयाची अंमलबजावणी विशेष स्पष्टीकरण देऊन सर्वांचे शंकानिरसन करण्यात आले. तसेच न्यास विषयी ठळक मुद्दे, सर्वेक्षण अहवाल, वर्गाचे निवड, करावयाची कार्यवाही या बाबद् देखील सखोल मार्गदर्शन केले.

इयत्ता पहिली साठी विशेष स्वरुपात राबविण्यात येत असलेल्या ‘विद्याप्रवेश’ उपक्रमाची माहिती सौ.आशा भालेराव मॅडम यांनी पि.पि.टी. द्वारे केली त्याच बरोबर दैनंदिन नियोजन,मुक्त खेळ,पायाभूत साक्षरता, सर्जनशीलता तथा संलग्न अंगणवाडी शी संपर्क या मुद्द्याच्या आधारे अतिशय सहज व सोप्या पद्धतीने शिक्षका समोर मांडणी केली. सदरील कार्यक्रमाचे सूत्रसंचालन व सेतू अभ्यास तासिकाची भूमिका सौ.भारती राठोड मॅडम यांनी पार पाडली. आपल्या प्रभावी शैलीतून पूर्वचाचणी स्थर रचना,गट तयार करणे अंतिम चाचणी यासोबतच एफ् .एल .एन .उपक्रमाची माहिती अधोरेखित केली तसेच सकाळ सत्रातील शिक्षण परिषदेचा समारोप रुचकर भोजनाने करण्यात आला.

कार्यक्रमाच्या दुपार सत्रातील नियोजनाप्रमाणे जि.प.हा.पेनूर येथील मुख्याध्यापक श्री. ए .जे .कांबळे यांचा सेवापूर्ती सोहळा नांदेड जिल्हा डायचे प्राचार्य श्री.रवींद्रजी आंबेकर,लोहा तालुका पंचायत समितीचे गटशिक्षणाधिकारी श्री. रवींद्रजी सोनटक्के,अध्यक्ष श्री.मदन गवते तथा संपूर्ण शालेय व्यवस्थापन समिती जि.प. हा.पेनूर गावातील प्रतिष्ठित नागरिक यांच्या उपस्थितीत पार पडला सुरवातीस निरोप मूर्ती यांना मानाचा फेटा बांधून कार्यक्रमास प्रारंभ करण्यात आला. त्याच बरोबर निरोप मूर्ती व उपस्थितांचा येथोचीत स्वागत करण्यात आले. अर्जुनजी कांबळे सरांना जि.प.हा.पेनूर यांच्यातर्फे जोड आहेर तथा भेटवस्तु देऊन सेवापूर्ती चा निरोप देण्यात आला. यावेळी सौ.कदम एस.बी,सौ.भालेराव,सौ.सगर,सौ.मुरडे,सोने सर,मुळे सर, नागोराव जाधव,नरमीटवार आदींनी निरोप मूर्ती विषयी आपल्या प्रतिक्रिया व्यक्त केल्या. प्राचार्य आंबेकर साहेब यांनी उपक्रमाविषयी माहिती देत आढावा घेत समाधान व्यक्त करून निरोप मूर्तींना सदिच्छा दिल्या.

तसेच उत्कृष्ट सूत्रसंचालनासाठी सौ.भारती राठोड मॅडम यांचे आवर्जून कौतुक व स्वागत केले.

अध्यक्षीय समारोपातून सर्वांचे लाडके कर्तव्यदक्ष ग. शि.अ.श्री सोनटक्के साहेबांनी उपस्थितांची मने जिंकली व मोजक्या शब्दात निरोप मूर्ती विषयीच्या भावना व्यक्त केल्या.

कार्यक्रमाच्या शेवटी सोने सर यांनी आभार प्रदर्शन केले व कार्यक्रमाची सांगता करण्यात आली.