दैनिक चालु वार्ता पुणे प्रतिनिधी -शाम पुणेकर.
पुणे: चेहऱ्यावर ॲसिड टाकेन, कुटुंबीयांना जीवे मारु, अशी धमकी देऊन एका महिलेवर बलात्कार करण्यात आल्याची घटना उघडकीस आली. महिलेला पर्वती पायथा परिसरातील कालव्यात ढकलून देऊन तिच्या खुनाचाही प्रयत्न केल्या प्रकरणी एका प्रौढा विरोधात दत्तवाडी पोलिसांनी गुन्हा दाखल केला.
या प्रकरणी आनंदा पाटील वय ५६, रा. साईबाबा मंदिराजवळ, गल्ली क्रमांक ५६, जनता वसाहत याच्या विरोधात गुन्हा दाखल करण्यात आला आहे. याबाबत एका ३८ वर्षीय महिलेने दत्तवाडी पोलीस ठाण्यात फिर्याद दिली आहे. पाटील आणि पीडीत महिलेची ओळख होती. पाटीलने तिला आमिष दाखवले. त्यानंतर तिला धमकावण्यास सुरुवात केली. चेहऱ्यावर ॲसिड टाकू तसेच कुटुंबीयांना जीवे मारु, अशी धमकी देऊन त्याने तिच्यावर बलात्कार केला.
महिलेला पर्वती पायथा परिसरातील कालव्यात ढकवून जीवे मारण्याचाही प्रयत्न केला. घाबरलेल्या महिलेने पोलिसांकडे तक्रार दिली. सहायक पोलीस निरीक्षक मुळीक तपास करत आहेत