दैनिक चालू वार्ता प्रतिनिधी : केंद्रे प्रकाश
खाण मंत्रालयाच्या स्वातंत्र्याचा अमृत महोत्सव आयकॉनिक सप्ताह समारंभास सुरुवात
नवी दिल्ली :- राज्य सरकारांना खाणींचा यशस्वी लिलाव केल्याबद्दल तसेच ज्यांनी संभाव्य खनिज ब्लॉक्स शोधले आहेत त्यांना प्रोत्साहनपर लाभ दिले जातील असे केंद्रीय संसदीय व्यवहार ,कोळसा आणि खाण मंत्री प्रल्हाद जोशी आज म्हणाले. त्यामुळे इतर राज्यांना खाण क्षेत्रात चांगली कामगिरी करण्यासाठी प्रेरणा मिळेल. उद्या नवी दिल्ली येथे होणाऱ्या राष्ट्रीय खाण आणि खनिजांच्या परिषदेत यशस्वी राज्यांना पुरस्कार दिले जाईल असेही त्यांनी यावेळी सांगितले.
प्रल्हाद जोशी यांनी आज खाण मंत्रालयाच्या ‘आझादी का अमृत महोत्सव आयकॉनिक’ सप्ताह समारंभाचे उद्घाटन केले. केंद्रीय गृहमंत्री अमित शहा हे या एक दिवसीय राष्ट्रीय परिषदेचे प्रमुख पाहुणे असतील असेही ते म्हणाले.
खाण मंत्रालयाचे सचिव, आलोक टंडन यावेळी म्हणाले की, मंत्रालयाच्या सार्वजनिक क्षेत्र उपक्रमाअंतर्गत असणाऱ्या देशभरातील कार्यालयांमध्ये 11 ते 17 जुलै दरम्यान हा आयकॉनिक सप्ताह साजरा होत आहे.