दैनिक चालु वार्ता 
दै चालु वार्ता औरंगाबाद
प्रतिनिधी मोहन आखाडे
प्रत्येक महिन्याच्या पहिल्या सोमवारी लोकशाही दिन जिल्हास्तरावर आयोजित करण्यात येतो. नोव्हेंबर महिन्याचा लोकशाही दिन १ नोव्हेंबरला दु. १२ वा. जिल्हाधिकारी कार्यालयाच्या सभागृहात आयोजित केल्याचे जिल्हाधिकारी कार्यालयामार्फत कळविले आहे.
सकाळी ११ ते १२ वेळेत लोकशाही दिनातील अर्ज स्वीकारण्यात येतील. अर्जदाराने तक्रारी संबंधांत निवेदने, अडीअडचणीबाबतचे तक्रार अर्ज जिल्हाधिकारी कार्यालयात दोन प्रतीत विहित नमुन्यात सादर करावा. तक्रार, निवेदन वैयक्तिक स्वरुपाचे असावे. अर्जदारांनी तालुकास्तरीय लोकशाही दिनात तक्रार अर्ज सादर करुन त्याची पोहचपावती जिल्हास्तरीय लोकशाही दिनात सादर करण्यात येणाऱ्या अर्जासोबत जोडावी. न्यायप्रविष्ठ प्रकरणे, राजस्वी, अपिल्स, सेवाविषयक, आस्थापनाविषयक बाबींचा यात समावेश नसावा. अर्जदाराने स्वत: तक्रार दाखल करत व लोकशाही दिनात उपस्थित रहावे, असेही जिल्हाधिकारी कार्यालयाने कळविले आहे
