मराठवाड्यातील सर्वात अद्यावत अग्निशमन वाहन लातूरकरांच्या सेवेत

दैनिक चालू वार्ता
निलंगा प्रतिनिधी
राहुल रोडे

लातूर :- विकासात्मक कामांसह अग्निशमन सेवा हि मनपाची अत्यंत महत्त्वाची जबाबदारी आहे. लातूरकरांच्या सुरक्षिततेच्या दृष्टीकोनातून लातूर मनपाने मराठवाड्यातील सर्वात आधुनिक व अद्यावत अग्निशमन वाहन लातूरकरांच्या सेवेत उपलब्ध केले आहे. अनेक मजली इमारतीला लागलेली आग अतिशय जलद गतीने विजविण्याची क्षमता असलेले तसेच आणीबाणीच्या प्रसंगी बचावात्मक कामातही उपयोगी ठरणारे हे वाहन जिल्हा नियोजन समिती द्वारा उपलब्ध करण्यात आलेल्या निधी मधून खरेदी करण्यात आले आहे.

अग्निशमन, आपत्कालीन परिस्थिती मध्ये लातूर शहर महानगरपालिकेचा अग्निशमन विभाग कायमच अग्रेसर कामगिरी बजावत आला आहे. आता या आधुनिक वाहनाच्या मदतीने अग्निशमन विभाग अधिक बळकट झाला आहे.
लवकरच पालकमंत्री ना मा श्री अमितजी विलासरावजी देशमुख यांच्या हस्ते हे वाहन लातूरकरांच्या सेवेत रुजू होत आहे.