दैनिक चालु वार्ता वृत्तसेवा-
नवी दिल्ली : दक्षिण कोरियाची राजधानी सियॉलमध्ये एका कार्यक्रमा दरम्यान झालेल्या चेंगराचेंगरीमुळे १२० हून अधिक लोकांचा मृत्यू झाल्याची घटना समोर आली आहे.
इटावान जिल्ह्यातील लोकप्रिय ठिकाण म्हणून ओळखले जाणारे हॅलोवीन येथे शनिवारी (दि. २९) रात्रीच्या वेळेस ही घटना घडली. याव्यतिरिक्त १०० जणांची प्रकृती चिंताजनक असल्याचे देखील सांगण्यात येत आहे. येथील प्रसारमाध्यमांनी दिलेल्या माहितीनूसार हॅलोवीन पार्टीत झालेल्या चेंगराचेंगरीमध्ये आणखी लोकांचा मृत्यू झाल्याचे देखील सांगितले जात आहे.
सियॉलच्या इटावान जिल्ह्यात घडलेल्या या दुर्घटनेबाबत अध्यक्ष युन सुक-येओल यांनी आपत्कालीन बैठक बोलावली. युन सुक-येओल यांनी येथील इतर जिल्ह्यातील आपत्ती व्यवस्थापन पथकाला मदतीसाठी घटनास्थळी पोहोचण्याच्या सूचना दिल्या आहेत. अग्निशमन विभागाच्या म्हणण्यानुसार, हॅलोविन मध्ये घडलेल्या घटनेनंतर चेंगराचेंगरी झाली. किमान ८१ जणांना श्वासोच्छवासाची त्रास होता.
याबाबत अधिक माहिती अशी की, हॅलोविन पार्टी साजरी करण्यासाठी आलेले लोक एका अरुंद रस्त्यावर जमले होते. अचानक चेंगराचेंगरी झाली, ज्यामध्ये सुमारे १०० लोक जखमी झाले. नॅशनल फायर एजन्सीचे अधिकारी चोई चेओन-सिक यांनी सांगितले की, इटावान लीजर जिल्ह्यामध्ये हृदयविकाराचा झटका आलेल्या लोकांची संख्या अद्याप स्पष्ट झालेली नाही. अजून असे डझनभर लोक आहेत अशी माहिती त्यांनी दिली.