दैनिक चालु वार्ता 
दै चालु वार्ता वृत्तसेवा
मुंबई : रणवीर सिंग आणि दीपिका पादुकोण दोघांनाही बॉलिवूडचे परफेक्ट कपल म्हणता येईल.चित्रपट असो वा कार्यक्रम, दोघेही एकमेकांच्या प्रेमात पडलेले दिसतात. यांनी 6 वर्षे डेटिंग केल्यानंतर एकमेकांसोबत आयुष्य घालवण्याचा निर्णय घेतला आणि 2018 साली लग्नगाठ बांधली.
कदाचित त्यामुळेच या दोघांनी कपल गोल सेट केल्याचं म्हटलं जातं. पण, करिअर, आयुष्य आणि इतर गोष्टींमध्ये चढ-उतार असतानाही रणवीर-दीपिकाचं नातं दिवसेंदिवस घट्ट होत गेल्याचं रहस्य काय आहे? याबद्दल जाणून घेण्याचा प्रयत्न करुया.
दीपिकाचे रणबीर कपूरसोबतचे नाते बरेच दिवसांपासून होते हे सर्वांनाच माहीत आहे. दोघे विभक्त झाल्यावर दीपिकाला मोठा धक्का बसला. दीपिकाने मुलाखतीत अनेकदा सांगितले आहे की, ती देखील तिच्या भूतकाळामुळे नैराश्याची शिकार झाली होती. पण रणवीर सिंगला भेटल्यानंतर ती भूतकाळातून बाहेर आली. रणवीर सिंगने तिचा भूतकाळ स्वीकारला.
रणवीर आणि दीपिका दोघेही एकमेकांना त्यांच्या प्राधान्यक्रमाच्या यादीत सर्वात वर ठेवतात. दोघंही शूटिंगमध्ये बिझी असोत किंवा कुठल्यातरी इव्हेंटमध्ये, त्यांना नेहमी बोलायला, भेटायला आणि एकत्र वेळ घालवण्यासाठी वेळ मिळतो.
रणवीर आणि दीपिका नेहमीच एकमेकांना त्यांच्या आयुष्यात सामील करण्याचा प्रयत्न करतात. इतर काम करणा-या जोडप्यांनी देखील हे करणे आवश्यक आहे. याचा सर्वात मोठा फायदा म्हणजे जोडीदारालाही तुमच्या आयुष्यात काय चालले आहे याची माहिती असते.
असे झाले तर त्याला तुमचे व्यस्त वेळापत्रक, कामाचे दडपण इत्यादी चांगल्या प्रकारे समजेल आणि ‘प्रेम कमी झाले आहे’ किंवा ‘अंतर वाढत आहे’ असे विचार त्याच्या मनात येणार नाहीत.
दीपिकाने स्वतः एकदा एका मुलाखतीत सांगितले होते की, ती नेहमीच रणवीरच्या प्राधान्य यादीत शीर्षस्थानी असते आणि यामुळे तिला खूप खास वाटते.
