दैनिक चालु वार्ता 
दै.चालु वार्ता
औरंगाबाद प्रतिनिधी मोहन आखाडे
राज्य निवडणूक आयोग आणि गपशप संस्थेने “महाव्होटर चॅटबॉट” द्वारे मतदार नोंदणीची सुविधा आणि त्यासंदर्भातील सर्व प्रश्नांची उत्तरे आता एका क्लिकवर उपलब्ध करून दिली आहेत. त्याचा प्रारंभ राज्य निवडणूक आयुक्त यू. पी. एस. मदान यांच्या हस्ते आज झाला.
राज्य निवडणूक आयोगाने २०१७ मधील स्थानिक स्वराज्य संस्थांच्या निवडणुकांच्या वेळी जगात पहिल्यांदा निवडणूक प्रक्रियेत ही सुविधा उपलब्ध करून दिली होती. त्यात प्रत्यक्ष मतदानाबाबतच्या सर्व माहितीचा समावेश होता. भारत निवडणूक आयोगातर्फे ३० नोव्हेंबर २०२१ पर्यंत राबविण्यात येत असलेल्या संक्षिप्त पुनरीक्षण कार्यक्रमाच्या निमित्ताने आता मतदार नोंदणीसंदर्भातील सर्व प्रकारची माहिती आणि प्रश्नांची उत्तरे मिळतील
मात्र या चॅटबॉट सुविधेचा आपल्याला कसा फायदा होईल ते आपण या मॅसेज मध्ये जाणून घेऊ
महाव्होटर चॅटबॉटच्या bit.ly/mahavoter या लिंकवर क्लिक केल्यानंतर मराठी आणि इंग्रजी भाषेचा पर्याय उपलब्ध होईल
तसेच महाव्होटर चॅटबॉटद्वारे, मतदार यादीतील आपल्या नावाचा शोध घेणे, मतदार यादीत नाव नोंदविणे, त्यासाठीचे आवश्यक कागदपत्रे
तसेच तांत्रिक स्वरूपाची माहिती, नावात किंवा पत्त्यात दुरुस्ती करणे आणि नाव वगळणे इत्यादी कामे सहज होतील
*याव्यतिरिक्त* आपल्याला +917669300321 या व्हॉट्सॲप क्रमांकावर Hi मॅसेज करून अधिक माहिती घेता येणार – असेही निवडणूक आयोगाने सांगितले
