गंगाखेड पालम रोडवर झालेल्या भीषण अपघातात आजोबा व नातवाचा जागीच मृत्यू

दैनिक चालु वार्ता प्रतिनिधी गंगाखेड-प्रेम सावंत 

गंगाखेड: शहराजवळील मालेवाडी पाटी जवळ शनिवार दिनांक 25 फेब्रुवारी 2023 रोजी बस व मोटार सायकलचा मोठा अपघात झाला.

या अपघातात 70 वर्षीय वृद्ध 19 वर्षीय तरुणाचा जागीच मृत्यू झाला.

अधिक माहिती अशी की,

पालम तालुक्यातील मौजे रावराजुर येथून गंगाखेड कडे मोटारसायकल वरून निघालेल्या शिवाजी किशनराव शिंदे वय 70वर्ष व श्रीनिवास कल्याणराव शिंदे वय 19वर्ष राहणार रावराजुर हे दोघेजण आपल्या गावाकडून गंगाखेड कडे निघाले असता गंगाखेड जवळील मालेवाडी पाटी जवळ सकाळी 9:30 वाजता कळंब येथून नांदेड कडे जाणारी बस मालेवाडी पाटील जवळ आली असता दुचाकी व बसचा भीषण अपघात झाला.

या अपघातात मोटार सायकल वरील आजोबा व नातू हे दोघेजण जागीच ठार झाले आहेत.

या घटनेची माहिती मिळताच गंगाखेड पोलीस ठाण्याच्या पोलीस निरीक्षक वसुंधरा बोरगावकर यांनी तात्काळ घटनास्थळी धाव घेऊन अपघातग्रस्त मयत व्यक्तींना तात्काळ रुग्णवाहीकेतून गंगाखेड येथील उपजिल्हा रुग्णालयात शवविच्छेदनासाठी पाठवण्यात आले.