सिल्लोड येथे हर घर दस्तक अभियान

दै.चालु वार्ता
सिल्लोड: प्रतिनिधी
सुशिल वडोदे

सिल्लोड :शासनाच्या ‘हर घर दस्तक अभियान अंतर्गत सिल्लोड शहरात कोरोना प्रतिबंधक लसीकरणास सुरुवात झाली आहे. उपविभागीय अधिकारी संजय मोरे यांच्याहस्ते या अभियानाचे उदघाटन गुरुवार रोजी संपन्न झाले. यावेळी नगराध्यक्षा श्रीमती राजश्री निकम तसेच उपनगराध्यक्ष अब्दुल समीर यांची प्रमुख उपस्थिती होती. या अभियानात शहरातील सर्व शाळांनी सहभागी होवून शाळेतील विद्यार्थ्यांनी शहरात फेरी काढून कोरोना लसीकरणा बाबद जनजागृती केली.
यावेळी पोलीस निरीक्षक रामेश्वर रेंगे, डॉ. मॅचिंद्र पाखरे, नायब तहसीलदार प्रभाकर गवळी, नॅशनल सुत गिरणीचे संचालक राजेंद्र ठोंबरे, रुग्ण कल्याण समितीच्या सदस्या दीपाली भवर, नगरसेवक सत्तार हुसेन, आसेफ बागवान, राजू गौर, मुख्याधिकारी सय्यद रफिक, अकिल देशमुख, उपजिल्हा रुग्णालयाचे वैदयकीय अधिकारी डॉ. मोरे, डॉ. मुद्दसिर, डॉ. फेरोज पठाण, हाजी राजू देशमुख आदींची उपस्थिती होती. कोरोनाच्या तिसऱ्या लाटे पासून सुरक्षित राहण्यासाठी प्रत्येकाचे कोरोना लसीकरण होणे गरजेचे आहे. हर घर दस्तक या अभियानांतर्गत सिल्लोड मध्ये पुन्हा लसीकणास सुरुवात झाली आहे. ज्यांना कोरोना लस घेण्यासाठी लसीकरण केंद्रावर येण्यास अडचणी असतील अशा नागरिकांना आता घरी येवून लसीकरण करण्यात येणार आहे. ही एक सुवर्ण संधी असून कोरोना पासून सुरक्षित राहण्यासाठी शंभर टक्के लसीकरण करणे हे आपल्या सर्वांची जबाबदारी असल्याचे स्पष्ट करीत शंभर टक्के लसीकरण करण्यासाठी नागरिकांनी पुढाकार घ्यावा असे आवाहन उपनगराध्यक्ष अब्दुल समीर यांनी केले. 100 टक्के लसीकरण होण्यासाठी शासनाच्या वतीने उपाययोजना करण्यात येत असून या संदर्भात काही महत्त्वाचे निर्णय घेण्यात आले आहे.