दैनिक चालु वार्ता 
दैनिक चालू वार्ता धाराशिव जिल्हा उप संपादक-नवनाथ यादव.
भूम – तालुका व्हाइस ऑफ मिडीयाचे पत्रकार बांधव यांनी उपविभागीय अधिकारी कार्यालय येथे पत्रकारांच्या विविध मागण्यासाठी जोरदार धरणे आंदोलन करत निवेदन देण्यात आले. माध्यमांकडे लोकशाहीचा चौथा स्तंभ म्हणून पहिले जाते. मात्र मध्यमकर्मींच्या प्रश्नाच्या सोडवणुकीच्या दृष्टीने उपाययोजना केल्या जात नाहीत. व्हॉइस ऑफ मीडियाच्या माध्यमातून उपविभागीय अधिकारी यांना विविध मागण्यासाठी निवेदनात असे म्हटले आहे की,पत्रकारांसाठी स्वतंत्र कल्याणकारी महामंडळ स्थापन करुन त्याला भरीव निधी द्यावा. पत्रकारितेत ५ वर्ष पुर्ण केलेल्या पत्रकारांना सरसकट अधिस्वीकृती पत्रिका देण्यात यावी.
वृत्तपत्रांना सध्या जाहिरातीवर लागु असलेला जीएसटी रद्द करावा.पत्रकारांच्या घरांसाठी म्हणून विशेष बाब म्हणून शासकीय भूखंड देण्याचा निर्णय घ्यावा. कोरोनात जीव गमावलेला पत्रकारांना फ्रंट लाईन वर्कर चा दर्जा देऊन त्यानुसार मयत पत्रकारांच्या कुटुंबांचे पुनर्वसन करावे. शासनाचे सध्याचे जाहिरात धोरण क वर्ग दैनिके (लघु दैनिक) यांना मारक आहे. लघु दैनिकांनाही मध्यम (ब वर्ग) दैनिकांइतक्याच जाहिराती देण्यात याव्यात. साप्ताहिकांनाही त्या प्रमाणात जाहिराती द्याव्यात. या प्रसंगी भूम तालुका संभाजी ब्रिगेड च्या वतीने पाठिंबा देण्यात आला.
या निवेदनावर मराठवाडा सहकोषाध्यक्ष दत्ता अहिरे, तालुका अध्यक्ष महावीर बनसोडे, चंद्रमणी गायकवाड, रविंद्र लोमटे, तानाजी सुपेकर, नवनाथ यादव, प्रदीप साठे, धनंजय शेटे,शाम पालके ,अरविंद शिंदे, रोहित चंदनशिवे, विश्वनाथ फल्ले, अजित बागडे,सचिन बारगजे आदींच्या स्वाक्षऱ्या आहेत.
