गंगापुर पोलिसांची धडाकेबाज कारवाई ..
दैनिक चालु वार्ता
गंगापुर प्रतिनिधी
गंगापूर: दिनांक 10/10/2022 रोजी रात्री 09:00 वाजेच्या सुमारास पोलिस निरीक्षक सत्यजीत ताईतवाले हे त्यांचे पथकासह जामगाव परिसरात पेट्रालिंग करत असतांना त्यांना गोपनीय बातमीदारा मार्फत माहिती मिळाली कि, गंगापुर पोलिसांना पाहिजे असलेला सराईत आरोपी नामे महेश काशिनाथ काळे रा. जामगाव ता. गंगापुर हा त्याचे गावी जामगाव येथे आला असुन तो रात्रीच्या वेळी दारू पिण्यासाठी जयहिंद साखर कारखाना परिसरात पायी जात असतो यावेळी त्याचे जवळ तो गावठी कट्टी जवळ बाळगतो.
या माहितीच्या आधारे पोलिस निरीक्षक सत्यजीत ताईतवाले व त्यांचे पथकांने तात्काळ जामगाव च्या दिशेने धाव घेवुन जयहिंद साखर कारखान्याच्या अलिकडे शेतात अंधारात आडोशाला सापळा लावला. यावेळी संशयीत ईसम महेश काळे हा दबा धरून बसलेल्या पोलिसांचे दिशेने येतांना नजरेस पडला तो पाहिजे असलेला आरोपी महेश काळे असल्याची पोलिसांना खात्री होताच त्याच्या दिशेने धाव घेतली असता पोलिसांची हालचाल पाहताच महेश काळे यांने अंधाराचा फायदा घेत तो जिल्हा परिषद शाळेच्या दिशेने पळत सुटला यावेळी पोलिसांनी त्याचा पाठलाग करून त्याला थोडयाच अंतराव शिताफिने पकडले.
यावेळी त्याला विश्वासात घेऊन त्याचे नाव गाव विचारले असता त्याने त्याचे नाव महेश काशिनाथ काळे वय 28 वर्ष रा.जामगाव ता. गंगापूर असे सांगितले यावेळी त्याची अंगझडती घेतली असता त्याचे कमरेला जवळ एक स्टिलच्या धातुचा काळया रंगाचा गावठी कट्टा व दोन जिवंत काडतुस (राऊंड ) अवैधरित्या विनापरवाना जवळ बाळगतांना मिळुन आला आहे. गावठी कट्टा व काडतुस जप्त करण्यात आली आहेत. नमुद आरोपी विरूध्द आतापर्यत प्राणघातक हल्ला करणे, चोरी, दरोडा, मारहाण, अवैध शस्त्र बाळगणे, विक्री करणे इत्यादी सारखे 14 गंभीर गुन्हे दाखल असुन यापैकी 04 गंभीर गुन्हयात तो गंगापुर पोलिसांना पाहिजे होता.
त्याचे विरूध्द पोलिस ठाणे गंगापुर येथे कलम 3,25 भारतीय हत्यार कायद्यान्वये गुन्हा दाखल करण्यात आला असुन पुढील तपास गंगापुर पोलिस करित आहेत.
सदरची कारवाई मा. मनिष कलवानिया, पोलिस अधीक्षक, मा. सुनिल कृष्णा लांजेवार, अपर पोलिस अधीक्षक, मा. महक स्वामी, सहा. पोलिस अधीक्षक, वैजापुर चार्ज, उपविभागीय पोलिस अधिकारी, गंगापुर, यांचे मार्गदर्शनाखाली पोलिस निरीक्षक सत्यजीत ताईतवाले, पोलिस अंमलदार दिनकर थोरे, अमोल कांबळे, अभिजीत डहाळे, अतुल भवर, विजय नागरे, राहुल वडमारे, तेनसिंग राठोड, यांनी केली आहे.