महापरीनिर्वाण दिनानिमित्त शहाद्यात भारतरत्न डॉ. बाबासाहेब आंबेडकर यांना विनम्र अभिवादन

दैनिक चालू वार्ता
नंदुरबार प्रतिनिधी
संदीप मोरे

नंदुरबार: शासकीय नियमांचे तंतोतंत पालन करत शहादा शहरात भारतरत्न बाबासाहेब आंबेडकर यांना महापरिनिर्वाण दिनानिम्मित अभिव्दन करण्यात आले. काल ६ डिसेंबर विश्व्रत्य्न डॉ. बाबासाहेब आंबेडकर यांचा महापरीनिर्वाण दिन प्रसंगी सकाळी ९:३० वाजता डॉ. बाबासाहेब आंबेडकर यांच्या शहाद्या येथील पुर्णाकृती पुतळ्यासमोर पदाचे आधिकारी, राजकीय नेते सामाजिक कार्यकर्ते संघटनाचे प्रतिनिधी व सर्व अनुयायींनी उपस्थित राहून बाबासाहेबांना अभिवादन केले.

महापरिनिर्वाण दिनाविषयी थोडक्यात जाणून घेऊया..

महापरिनिर्वाण दिन किंवा महापरिनिर्वाण दिवस हा डॉ. बाबासाहेब आंबेडकर यांचा स्मृतिदिन असून तो ६ डिसेंबर रोजी आयोजित केला जातो. आंबेडकरांचे ६ डिसेंबर १९५६ रोजी दिल्ली येथे महापरिनिर्वाण (निधन) झाले होते, याच्या दुसऱ्या दिवशी ७ डिसेंबर रोजी मुंबईतील चैत्यभूमी येथे त्यांच्यावर बौद्ध पद्धतीने अंतिमसंस्कार करण्यात आले. निधनापूर्वी त्यांनी १४ ऑक्टोबर १९५६ रोजी लक्षावधी अनुयायांसह बौद्ध धर्म स्वीकारला होता, त्यांना बौद्ध लोक ‘बोधिसत्व’ मानतात. आंबेडकर हे बौद्ध गुरु होते, यामुळे त्यांच्या पुण्यतिथीसाठी ‘महापरिनिर्वाण’ हा बौद्ध संकल्पनेतील शब्द वापरण्यात आला आहे. महापरिनिर्वाण दिनानिमित्त १ डिसेंबर पासून मुंबईतील त्यांचे समाधीस्थळ असलेल्या चैत्यभूमी येथे भारतभरातून लक्षावधी लोक येतात. चैत्यभूमी येथे २५ लाखाहून अधिक भीमानुयायी जमा होतात, व चैत्यभूमी स्तूपात ठेवलेल्या आंबेडकरांच्या अस्थीकलश व प्रतिमेस अभिवादन करतात व बाबासाहेबांचे दर्शन घेतात. या दिवशी भारत तसेच जगभरातील आंबेडकरवादी व्यक्ती आंबेडकरांची प्रतिमा व मुर्ती समोर ठेवून त्याच्या स्मृतीस अभिवादन करतात. स्थानिक बौद्ध विहारे (बौद्ध मंदिरे), स्वतःच्या घरी, सार्वजनिक स्थळी, शाळा-महाविद्यालये, शासकिय कार्यालये इ. या ठिकाणी या दिवशी त्यांना अभिवादन करतात. राजकीय नेते व इतर मंडळी बाबासाहेबांच्या सार्वजनिक ठिकाणच्या आंबेडकर स्मृतीस्थळांना वंदन करतात.