सांगली – साडेतीन वर्षाच्या चिमुरड्याचा खून आई आणि तिच्या प्रियकारास अटक; आरोपी शिराळा पंचायत समितीचा सदस्य

दैनिक चालू वार्ता

ANC – प्रियकराच्या मदतीने अनैतिक संबंधात अडथळा ठरणाऱ्या साडेतीन वर्षाच्या मुलाचा आईनेच खून केल्याची धक्कादायक घटना सांगली जिल्ह्यात घडली आहे. याप्रकरणी आष्टा पोलीस पोलिसांनी मुलाची आई आरोपी प्राची वाजे आणि तिचा प्रियकर अमरसिंह पाटील यांना अटक केली आहे. अटकेत असलेला आरोपी अमरसिंह पाटील हा शिराळा पंचायत समितीचा विद्यमान सदस्य आहे. आरोपींनी लहानग्या मुलाचा खुन करून मृतदेहाची विल्हेवाट लावली होती. सदर महिलेच्या पतीच्या तक्रारीवरून गुन्हा दाखल करण्यात आला होता. आरोपीवर कलम 302 , 201 , 366 , 498 , 177 , 34 सह जुवेनाईल जस्टिस ऍक्ट 75 अन्वये या आरोपींच्यावर गुन्हा दाखल केला आहे. सुशांत वाजे यांची पत्नी प्राची हिचे बिळाशी येथील अमरसिंह पाटील याच्याशी अनैतिक संबंध होते. 27 जून 2021 रोजी प्राची वाजे ही मुलगा मनन सह घरात कोणाला काहीही न सांगता निघून गेली होती. ती अमरसिंह पाटील यांच्या मुंबई येथील घरी वास्तव्यास गेली होती. यावेळी अनैतिक संबंधास अडथळा ठरत असल्याने प्राची आणि अमरसिंह यांनी मननचा शारीरिक छळ सुरू केला होता. त्यानंतर दोघांनी मनन याचा खून करून त्याच्या प्रेताची विल्हेवाट लावली. मनन हा मुंबई येथे मयत झाला असताना अमरसिंह पाटील आणि प्राची यांनी बिळाशी ग्रामसेवकांकडे प्रतिज्ञापत्र करुन मनन याचा बिळाशी येथे मृत्यू झाल्याचे खोटी माहिती दिली. मनन याचा मुंबई येथे मृत्यू झाला असताना, त्याच्या मृतदेहांवर अंत्यसंस्कार करुन प्रेताची विल्हेवाट लावली होती. वाळवा येथे याबाबतचे निनावी पत्र सुशांत वाजे यांना आल्याने संबंधित घटनेची पूर्ण माहिती घेवून संशयित पत्नी प्राची आणि तिचा प्रियकर अमरसिंह पाटील यांच्यावर गुन्हा दाखल केला होता . या प्रकरणी पोलिसांनी आरोपींना अटक केली आहे.

बाईट – कृष्णात पिंगळे ( डी वाय एस पी इस्लामपूर )