शिशूगृह,वीट भट्टी , बाल देखरेख संस्थां या ठिकाणी जिल्हाधिकारी यांची भेट

दैनिक चालु वार्ता

नांदुरा:- दि.26 शून्य ते सहा वयोगटातील आकस्मात कारणाने परीत्यांग केलेल्या व सोडून दिलेल्या बालकांचा सांभाळ करणारे ट्रस्ट बुलढाणा सेवाभावी शिशु गृहाला जिल्हाधिकारी एस रामा मूर्ती यांनी भेट दिली.बालकांच्या समस्या चा आणि सेवांचा आढावा घेण्याच्या उद्देशाने बुलढाणा जिल्हाधिकारी यांनी जिल्ह्यातील बाल संरक्षण सेवा यांचा आढावा घेतला.शिशु गृहातील बालकांच्या पुनर्वसनासाठी महिला व बाल विकास विभाग आणि जिल्हा बाल संरक्षण समितीच्या माध्यमातून मुलांच्या होणाऱ्या पुनर्वसन सेवांचा आढावा यावेळी घेण्यात आला.त्याप्रसंगी शिशुगृहा मार्फत सामाजिक कार्यकर्ते अधीक्षक यांनी बालकांच्या सेवांचा आडवा दिला. त्यानंतर जिल्ह्यात 6 ते 18 वयोगटातील साठी परिस्थिती अभावी काळजी आणि संरक्षणासाठी कार्यरत असलेल्या शासकीय मुलांचे निरीक्षणगृह /बालग्रह या ठिकाणी जिल्हाधिकारी यांनी भेट दिली. संस्थेत निवासी सेवांचा आढावा पालकांचे समुपदेशन आरोग्य आणि मनोरंजन सेवांची तपासणी आणि चर्चा या भेटीदरम्यान करण्यात आली.बुलढाणा जिल्ह्यात स्थलांतर करून येणाऱ्या कामगारांच्या बालकांना देखील गोपीनीय भेट जिल्हा अधिकारी यांनी दिली. मलकापूर तालुक्यात दाताळा परिसरात कार्यरत वीटभट्टीवर काम करणाऱ्या मजुरांच्या कुटुंबांना सर्व संबंधित यंत्रणेसह अचानक भेट देण्यात आली. वीटभट्टीवर कुटुंबासोबत आलेल्या बालकांचे शिक्षण पोषण आहार अत्यावश्यक दस्तावेज जसे राशन कार्ड ,आधार कार्ड इत्यादी बाबतीत सेवा देण्याचे आदेश यावेळी जिल्हाधिकारी यांनी दिले. बालमजुरांचा प्रश्न गांभीर्याने घेत जिल्ह्यातील धोकादायक परिस्थितीत काम करणाऱ्या बालकांच्या संरक्षणाबाबत तसेच त्यांना मिळणाऱ्या सेवांबाबत देखील सर्व स्तरावरून प्रयत्न होणे गरजेचे असून बालकांशी निगडीत विभागांना गरजू बालकांना प्रत्यक्ष भेटून त्यांना बाल कल्याण समिती आणि जिल्हा बाल संरक्षण समिती यांच्यासमोर सादर करण्याच्या सूचना बालकांच्या पुनर्वसनासाठी कार्यरत विभागांना देण्यात आली.सदर बाल संरक्षण विषयी दौरा नियोजन जिल्हा महिला व बालविकास अधिकारी कार्यालय यांच्यामार्फत करण्यात आले होते.