तूर खरेदीसाठी ऑनलाईन नोंदणी सुरू

दैनिक चालु वार्ता

देगलूर:- किमान आधारभूत किंमत खरेदी योजनेंतर्गत हंगाम २०२१-२२ मध्ये हमीभावाने तूर खरेदी करण्यासाठी जिल्ह्यात नांदेड (अधार्पूर), मुखेड, हदगाव, लोहा, किनवट, बिलोली (कासराळी) देगलूर, जाहूर (ता. मुखेड), गणेशपूर (ता.किनवट) या ठिकाणी मार्केटिंग फेडरेशनमार्फत तूर ऑनलाईन शेतकरी नोंदणी सुरु झाली आहे. शेतक-यांनी ऑनलाईन नोंदणी करण्यासाठी चालू हंगामातील तूर पिकाचा ऑनलाईन पिक पेरा नोंद असलेला सातबारा, आधारकार्ड व बॅक पासबूक आदी कागदपत्रे तालुक्यातील खरेदी केंद्रावर देऊन नोंदणी करावी, असे आवाहन नांदेड जिल्हा पणन अधिकारी यांनी केले आहे.