पीएचडी होईल इतके सरकारचे गोंधळ – चंद्रकांत पाटील

दैनिक चालु वार्ता वृत्तसेवा

मुंबई :-राज्यपालांना उलटसुलट बोलायचा अधिकार महाविकास आघाडीचा आहे. नियमांमध्ये बदल करून तुम्ही तारीख मागत आहा तदोनदा पत्र देऊन देखील तुम्ही विधानसभा अध्यक्षांची निवडणूक घेतली नाही. असं करणं त्यांनी राज्यपालांचा किंबहूना घटनेचा अपमान केला आहे. या मुद्द्यावरून राष्ट्रपती राजवट सुद्धा लागू शकते, असं भाजप प्रदेशाध्यक्ष आणि आमदार चंद्रकांत पाटील यांनी म्हटलं आहे. राज्यपाल हे स्वायत्त पद आहे, त्यांनी काय करायचं हे तेच ठरवतील, असं पाटील म्हणाले.
स्थानिक स्वराज्य संस्था कधी होणार हा प्रश्न आहे. वर्षभरापासून निवडणुका पेंडिंग आहेत. 6 जिल्हा परिषदा मधील निवडणूका ओबीसी आरक्षणमुळे रद्द झाल्या. सगळे गोंधळ राज्य सरकार करत आहे. पेपर फुटी, शाळा सुरू करण, एसटी संप असे अनेक मुद्दे आहेत. पीएचडी होईल इतके गोंधळ या सरकारने केले आहेत, असं पाटील म्हणाले. आता राज्य सरकारने जे निवडणूका पुढे ढकलण्यासाठी कारण दिलं होतं. ते कोर्टात टिकेल की नाही याबाबत प्रश्नचिन्ह आहे, असं ते म्हणाले.