दैनिक चालू वार्ता प्रतिनीधी – माधव गोटमवाड
मुंबई इंडियन्ससाठी एक आनंदाची बातमी समोर येत आहे. मुंबई इंडियन्सचा वेगवान गोलंदाज जोफ्रा आर्चरने गोलंदाजीचा सराव सुरू केला आहे. जोफ्रा आर्चर सध्या दुखापतीतून सावरल्याचे मानले जात आहे. तसेच त्याने नेटमध्ये गोलंदाजी करण्यास सुरुवात केली आहे.
आयपीएल ही जगातील सर्वात लोकप्रिय क्रिकेट लीग आहे. आयपीएल लीग मधील मुंबई इंडियन्स हा सर्वात यशस्वी संघ आहे. कर्णधार रोहित शर्मा च्या नेतृत्वाखाली मुंबईने पाच वेळा आयपीएलचे जेतेपद आपल्या नावावर केले आहे.
2023 च्या सुरुवातीच्या काळात त्याला पुन्हा स्पर्धा खेळायला मिळू शकते. गेल्या वर्षी झालेल्या मेगा आयपीएल लिलावामध्ये मुंबई इंडियन्सने इंग्लंडच्या या घातक गोलंदाजाला तब्बल आठ कोटी रुपयांमध्ये विकत घेतले होते. तेव्हा तो फारसा फिट नव्हता तरी मुंबई इंडियन्स ने त्याला आपल्या संघामध्ये ठेवले होते. अशा परिस्थितीत मुंबई इंडियन्सने आयपीएल 2023 मध्ये देखील जोफ्रा आर्चरला सोडले नाही.कारण त्याने आपल्या उत्कृष्ट गोलंदाजीने स्वतःला नेहमी सिद्ध केले आहे. मुंबई इंडियन्समध्ये आधीपासूनच सर्वोत्कृष्ट गोलंदाज जसप्रीत बुमराह उपस्थित आहे. अशात जोफ्रा आर्चर त्याचा गोलंदाज साथीदार बनणार आहे. जोफ्रा आर्चरने आयपीएलमध्ये 35 सामन्यात 46 विकेट घेतल्या आहेत.
जोफ्रा आर्चर बराच काळ दुखापतीमुळे मैदानापासून दूर होता, मात्र आता तो मैदानात परतल्याची इंग्लंड आणि मुंबई इंडियन्ससाठी मोठी बातमी आहे. IPL मेगा लिलाव 2022 मध्ये मुंबई इंडियन्सने मोठी रक्कम खर्च करून जोफ्रा आर्चरला संघात घेतले होते. पण दुखापतीमुळे तो IPL 2022 मध्ये खेळू शकला नाही.
पण नुकत्याच मिळालेल्या रिपोर्टनुसार, जोफ्रा आर्चर आता वेगाने बरा होत आहे. दरम्यान क्रिकबझच्या रिपोर्टनुसार, तो पुढच्या वर्षी होणाऱ्या आयपीएलमध्ये मुंबई इंडियन संघामध्ये पुनरागमन करू शकतो. सध्या तो इंग्लंड लायन संघासोबत संयुक्त अरब अमिरतीमध्ये असून त्याचे पुनर्वसन सुरू आहे. त्यामध्ये तो उत्कृष्ट प्रगती करत आहे.