महाराष्ट्र विधिमंडळाच्या नुकत्याच झालेल्या हिवाळी अधिवेशनात राज्यातील धोकादायक व जीर्ण पुलाचा आढावा बैठक
दैनिक चालु वार्ता
1 min read
दैनिक चालु वार्ता
खानापूर प्रतिनिधी
उमाकांत कोकणे
मुंबई :-सार्वजनिक बांधकाम मंत्री आदरणीय अशोकरावजी चव्हाण साहेब महाराष्ट्र विधीमंडळाच्या नुकत्याच झालेल्या हिवाळी अधिवेशनात राज्यातील धोकादायक व जीर्ण पुलांचा विषय उपस्थित झाला होता. त्या अनुषंगाने अशा सर्व पुलांच्या स्थितीचा आढावा घेण्यासाठी आज सार्वजनिक बांधकाम विभागाचे सचिव आणि सर्व मुख्य अभियंते व अधिक्षक अभियंत्यांसमवेत बैठक घेतली. धोकादायक आणि जीर्ण पूलांची कामे करण्यासाठी कालबद्ध कार्यक्रम हाती घेऊन नव्याने उभारण्यात येणारे पूल आणि दुरुस्ती करावयाच्या पुलांच्या कामांचे नकाशे, आराखडे महिनाभरात विभागाकडे सादर करण्याचे निर्देश यावेळी दिले.
राज्यातील राष्ट्रीय महामार्ग, राज्य महामार्ग आणि प्रमुख जिल्हा मार्गांवर असलेल्या ज्या पुलांच्या कामाकडे तातडीने लक्ष देणे आवश्यक आहे, ते पूल आणि ज्या पुलांची कालमर्यादा संपुष्टात आली आहे, अशा सर्व पुलांचे स्ट्रकचरल ऑडिट करणे, नवीन पूल बांधत असताना त्या-त्या भागातील सर्वाधिक पर्जन्यमान लक्षात घेऊन त्याची उंची पूर पातळीपेक्षा अधिक असेल याकडे लक्ष देणे, पुलाचे डिझाईन करताना बंधारा टाईप पूल बांधणे जेणेकरून जलसंधारणाचा हेतू देखील सफल होईल, आदी निर्देश या बैठकीत दिले.
