महाराष्ट्र पत्रकार संघ व प्रेस क्लब मूकनायक दिनी उद्योजकांना देणार पुरस्कार रूपी प्रोत्साहन, गेवराई येथे दै संघर्ष योध्दा कार्यालयासमोर मूकनायक दिन होणार साजरा

दैनिक चालु वार्ता

गेवराई :- भारतरत्न डॉक्टर बाबासाहेब आंबेडकर यांनी गोरगरीब शोषित वंचितांचे प्रश्न पत्रकारितेच्या माध्यमातून मांडण्यासाठी 31 जानेवारी 1920 रोजी मूकनायक हे दैनिक वृत्तपत्र सुरू केले. या वर्धापन दिनाचे औचित्य साधून महाराष्ट्र पत्रकार संघ व प्रेस क्लब यांच्या संयुक्त विद्यमाने 31 जानेवारी रोजी मुकनायक वर्धापन दिन साजरा करण्यात येणार आहे. याच बरोबर समाजातील युवा उद्योजक तसेच उद्योगपती यांना प्रोत्साहन म्हणून मूकनायक पुरस्कार सोहळ्याचे आयोजन केले आहे. कार्यक्रमाची सुरुवात भारतरत्न डॉक्टर बाबासाहेब आंबेडकर ,बाळशास्त्री जांभेकर तसेच इतर महापुरुषांना मानवंदना करून होईल.
या कार्यक्रमाला अध्यक्ष मा.श्री पंकज कुमावत साहेब सहाय्यक पोलीस अधीक्षक बीड यांची विशेष उपस्थिती असणार आहे. याच बरोबर या कार्यक्रमाला प्रमुख अतिथी म्हणून आमदार लक्ष्मण पवार, बदामराव आबा पंडित(माजी मंत्री) , मा.आ. अमरसिंह पंडित, बाबुरावजी पोटभरे यांची विशेष उपस्थिती राहणार आहे. याच बरोबर या कार्यक्रमाची शोभा वाढवावी यासाठी प्रमुख उपस्थिती म्हणून गेवराई चे तत्कालीन तहसीलदार सचिन खाडे, स्वप्निल राठोड, पेलगुरवार साहेब,नवले साहेब, नवघरे साहेब, विलासरावजी कोळेकर,सोमनाथ राव पाटील, सचिन सानप,मिलिंद तुरुकमारे, उमेश ढाकणे, खेडकर साहेब, चिंचोली साहेब, भोरे साहेब, वाघमोडे साहेब इत्यादी मान्यवरांची प्रमुख उपस्थिती राहणार आहे.
या कार्यक्रमाचे विशेष अंग म्हणजे लोकनायक पुरस्कार. पुरस्कार माणसाला प्रेरणा देतात प्रेरणेने ऊर्जा मिळते व काम करण्यास नवा उत्साह येतो ही बाब लक्षात ठेव उद्योजकांना त्यांच्या उद्योगात नवी भर पाडण्यासाठी उद्योगरत्न या पुरस्काराचे आयोजन केलेले आहे. तसेच मूकनायक या पुरस्काराचे कधी आयोजित केली आहे; या पुरस्काराचे मानकरी गेवराई चे ज्येष्ठ पत्रकार सुभाष सुतार व शिव स्वराज्य ग्रुप गेवराई यांचा विशेष सन्मान करण्यात येणार आहे. याच बरोबर या कार्यक्रमाचे दुसरा पुरस्कार म्हणजे उद्योग रत्न पुरस्कार. उद्योग रत्न पुरस्काराचे मानकरी आहेत उद्योगपती मोतीराम गाडे साहेब, उद्योगपतीविजयकुमार वावळ साहेब, उद्योगपती मधुकर रावजी मस्के साहेब , उद्योगपती तुकाराम तळतकर यांना विशेष उद्योग रत्न पुरस्कार देऊन सन्मानित करण्यात येणार आहे.
सौ. छाया मस्के यांना नारी सन्मान हा पुरस्कार देऊन गौरविले जाणार आहे. दीपक नागरगोजे, रामेश्वर खारगे, संदीप मुळे ,डॉ चंद्रशेखर गवळी, डॉ अनिल दाभाडे ,मोहन देवकते तसेच लीलावती व काशिनाथ चव्हाण यांना ना आदर्श माता पिता या पुरस्काराने सन्मानित करण्यात येईल. या कार्यक्रमाचे आयोजन दैनिक संघर्ष योध्दा कार्यालय गेवराई येथे महाराष्ट्र पत्रकार संघाचे जिल्हाध्यक्ष तथा दैनिक संघर्ष योध्दा संपादक बापूसाहेब हुंबरे व महाराष्ट्र पत्रकार संघाचे जिल्हा उपाध्यक्ष तथा प्रकल्प अध्यक्ष गेवराई श्री चंद्रकांत नवपुते सर यांनी केले आहे. तरी हा कार्यक्रम 31 जानेवारी रोजी सकाळी ठीक अकरा वाजता वेळेवर सुरू होईल.कार्यक्रम कोविड संदर्भात शासनाने घालून दिलेल्या सर्व नियमांचे पालन करूनच कार्यक्रम घेण्यात येईल. तरी कार्यक्रमाला येतानी सर्वांनी मास्क लावणे गरजेचे आहे.