दैनिक चालु वार्ता प्रतिनिधी- प्रदिप मडावी
कोरपना तालूका
कोरपना :- सध्या राज्यात कृषी उत्पन्न बाजार समितीच्या निवडणुकीने राजकारण चांगलं तापलं आहे, आज कोरपना कृषी उत्पन्न बाजार समितीच्या निवडणुकीचा निकाल हाती आला.
गोंडवाना गणतंत्र पार्टीने पहिल्याच प्रयत्नात दोन जागेवर दणदणीत विजय प्राप्त करत आपले वर्चस्व पुन्हा एकदा सिद्ध केले आहे. गोंडवाना गणतंत्र पार्टीचे युवानेते गजानन पाटील जुमनाके यांच्या नेतृत्वात कोरपणा कृषी उत्पन्न बाजार समितीचे निवडणुकीत सेवा सहकारी गटातून विद्यमान संचालक निशिकांत सोनकांबळे आणि दत्तात्रय कांबळे विजय झाले आहे.
गोंडवाना गणतंत्र पार्टीची समविचारी शेतकरी संघटनेसोबत युती होती. गोंडवाना गणतंत्र पार्टीने दोन जागेवर शेतकरी संघटनेने तीन जागेवर विजय प्राप्त करत युतीच्या पारड्यात पाच जागा आल्या.
ही निवडणूक गोंडवाना गणतंत्र पार्टीचे युवानेते गजानन पाटील जुमनाके यांच्या नेतृत्वात लढवण्यात आली.
विजयी उमेदवारांचे चंद्रपूर जिल्हा मध्यवर्ती सहकारी बँकेचे संचालक पांडुरंग जाधव, गोंडवाना गणतंत्र पार्टीचे माजी जिल्हाध्यक्ष बापूरावजी मडावी, महाराष्ट्र प्रदेश प्रवक्ते मेहबूब शेख, नगरसेवक ममताजी जाधव, जमालुद्दीन शेख, क्रिष्णा सिडाम, नगरसेविका सतलूबाई जुमनाके, लक्ष्मीबाई जुमनाके, राज गोंडवाना गड संरक्षण समितीचे अध्यक्ष भीमराव पाटील जुमनाके, माजी सभापती भीमराव मेश्राम, गोंडवाना गणतंत्र पार्टीचे जिवती तालुकाध्यक्ष हनुमंत कुमरे, कोरपणा तालुकाध्यक्ष मेजर बंडूजी कुमरे, सामाजिक कार्यकर्ते संजय सोयाम, सुधाकरजी कुसराम, विठ्ठलरावजी मडावी, प्रकाश शेडमाके, नितीन बावणे, संकेत कुळमेथे यांनी अभिनंदन करून शुभेच्छा दिल्या.