दैनिक चालु वार्ता चंद्रपूर जिल्हा उपसंपादक-
चंद्रपूर शहरातील इंदिरानगरचे रहिवासी पुरूषोत्तम बोपचे (वय ४० वर्ष) हे फुले वेचण्यासाठी वनामध्ये गेले असता वाघाने त्यांच्यावर जबरी हमला केला व त्या हमल्यात त्यांचा जागीच मृत्यु झाला.
या दुर्देवी घटनेनंतर महाराष्ट्राचे वने, सांस्कृतिक कार्य, मत्स्यव्यवसाय मंत्री तथा चंद्रपूर जिल्हयाचे पालकमंत्री नामदार सुधीर मुनगंटीवार यांनी बोपचे यांच्या परिवाराला शासन नियमानुसार मदत करण्याचे निर्देश दिले. त्यानुसार वनविभागाने बोपचे यांच्या दोनकुटूंबास ५ लाख रूपयांचा धनादेश दिनांक ५ मे २०२३ रोजी नामदार मुनगंटीवार यांच्या हस्ते सुपुर्द केला.
यावेळी भाजपा जिल्हाध्यक्ष देवराव भोंगळे, वनपरिक्षेत्र अधिकारी श्री. कारेकर, मनपा उपमहापौर राहूल पावडे, माजी नगरसेविका चंद्रकला सोयाम, भाजपाचे मंडल अध्यक्ष दिनकर सोमलकर, डॉ. गिरीधर येडे, मनोज पोतराजे, पप्पु बोपचे, प्रलय सरकार, आशिष ताजने व त्या प्रभागातील कार्यकर्ते व नागरिक उपस्थित होते. यापुढील मदतीची रक्कम या कुटूंबाला लवकरात लवकर देण्याचे निर्देश ना. मुनगंटीवार यांनी यावेळी अधिका-यांना दिले.