दैनिक चालु वार्ता 
दैनिक चालु वार्ता
पुणे प्रतिनिधी
शाम पुणेकर
पुणे :- निवृत्त केंद्रीय गृहसचिव माधव गोडबोले यांचे पुण्यामध्ये निधन झाले आहे. वयाच्या ८७ व्या वर्षी त्यांनी अखेरचा श्वास घेतला. डॉ. माधव गोडबोले यांनी अमेरिकेतील विल्यम्स कॉलेजमधून अर्थशास्त्र या विषयात एम.ए. आणि पीएच्‌.डी. केली. १९५९ मध्ये भारतीय प्रशासकीय सेवेत त्‍यांची निवड झाली. मार्च १९९३ मध्ये भारताच्या केंद्र सरकारचे गृहसचिव आणि न्यायसचिव असताना स्वेच्छानिवृत्ती घेतली हाेती.
केंद्र सरकारमध्ये पेट्रोलियम व नैसर्गिक वायू मंत्रालयाचे सचिव व नगरविकास मंत्रालयाचे सचिव म्हणून काम पाहिले होते. याआधी त्यांनी महाराष्ट्र राज्याच्या प्रशासनात मुख्य वित्तसचिव पदाचीही जबाबदारी सांभाळली. गोडबोले हे महाराष्ट्र राज्य विद्युत महामंडळाचे अध्यक्ष होते.मनिला येथील आशियाई विकास बँकेत त्यांनी ५ वर्षे काम केले होते.
