“आई वडिलांची सेवा करताना सोबत फोटोग्राफर असणं अनिवार्य आहे का? !!! नाना पटोलेंची सोशल नेटवर्किंगवरुन मोदींवर अप्रत्यक्षपणे टीका ?

दैनिक चालु वार्ता वृत्तसेवा-

पंतप्रधान मोदींच्या मातोश्रींनी काल वयाच्या १०० व्या वर्षात पदार्पण करत असून त्यानिमित्तच ही विशेष भेट त्यांनी घेतली. या भेटीचे मोदींनी काही फोटो सोशल नेटवर्किंगवरुन शेअर केल्यानंतर आता याच फोटोशूटवरुन महाराष्ट्र काँग्रसेच प्रदेशाध्यक्ष नाना पटोलेंनी मोदींवर टीका केली आहे. खोचक शब्दांमध्ये पटोले यांनी अप्रत्यक्षपणे मोदींच्या या फोटोंवर कमेंट केलीय.”आई वडिलांची सेवा करताना सोबत फोटोग्राफर असणं अनिवार्य आहे का?

नवी दिल्ली : पंतप्रधान नरेंद्र मोदींनी आज सकाळीच गुजरातमध्ये त्यांची आई हिराबेन मोदी यांची भेट घेतली.

या भेटीचे फोटो सोशल मीडियावर व्हायरल झाले आहेत.

हिराबा या नावानेही अनेकजण मोदींच्या मातोश्री हिराबेन यांना ओळखतात. पंतप्रधान मोदींनी काल आईच्या वाढदिवसानिमित्त पोस्ट केलेल्या काही फोटोंमध्ये ते आईचे पाय धुताना दिसत आहेत. मोदींनी या फोटोंना एक छान कॅप्शनही दिली आहे. “आज मी आईचे आशिर्वाद घेतले. आज ती १०० व्या वर्षामध्ये पदार्पण करत आहे,” अशी कॅप्शन मोदींनी या फोटोंना दिली आहे. या कॅप्शनसोबत शेअर केलेल्या फोटोंमध्ये पंतप्रधान मोदी हिराबा आसनस्थ झालेल्या खुर्चीच्या जवळ बसलेले दिसत असून ते आईशी हसून चर्चा करत आहेत. एका फोटोत आई त्यांना गोड पदार्थ खावू घालताना दिसतेय. तर अन्य एका फोटोमध्ये मोदी आईचा आशिर्वाद घेताना दिसत आहेत. पंतप्रधान मोदींनी शेअर केलेले हे फोटो अल्पावधीत व्हायरल झाले असून पोस्ट केल्यानंतर आत्तापर्यंत २६ हजारांहून अधिक वेळा रिट्विट करण्यात आलंय.

एकीकडे मोदींनी शेअर केलेल्या या फोटोंची चर्चा असतानाच दुसरीकडे नाना पटोलेंनी सोशल नेटवर्किंगवरुन मोदींवर अप्रत्यक्षपणे टीका केलीय. मोदींचा थेट उल्लेख केला नसला तरी सकाळपासून मोदींनी आईसोबतचे फोटो पोस्ट केल्याच्या पार्श्वभूमीवर पटोलेंनी, “आई वडिलांची सेवा करताना सोबत फोटोग्राफर असणं अनिवार्य आहे का?,” असा खोचक प्रश्न पोस्टमधून विचारलाय. पुढे पटोलेंनी, “असो! आईंना वाढदिवसाच्या मनःपूर्वक शुभेच्छा! त्यांना उत्तम आरोग्य आणि दीर्घायुष्य लाभो, हीच प्रार्थना!,” असंही म्हटलं आहे.