दैनिक चालू वार्ता प्रतिनिधी -प्रदिप मडावी
घुग्घुस
घुगूस:- १३/०४/२०२३
भारतीय कोयला खदान मजदूर संघाचे वेकोली कल्याण समिती सदस्य मा.कमलाकर जी पोटे यांनी संचालक कार्मिक वेकोली नागपूर यांना पत्रा द्वारे मागणी केली की, गेल्या अनेक वर्षापासून कोल कामगारांना WCL मधील पॅथॉलॉजी लॅब आणि डायग्नोस्टिक सेंटर (एम्पॅनेल केलेले) नसल्यामुळे आरोग्य तपासणी करण्यात अडचणी येत आहेत. भारतीय मजदूर संघाच्या प्रतिनिधींनी वेकोलिच्या संचालन समिती, वेकोलि वेल्फेअर बोर्ड आणि कंपनी स्तरावरील औद्योगिक संबंधित बैठकांमध्ये अनेकदा हा मुद्दा मांडला असताना सुद्धा व्यवस्थापक मात्र याबाबत गांभीर्य दाखवत नाहीत. वणी माजरी, वर्धा- व्हॅली, वेकोली स्तरावर आंदोलनाच्या नोटिसा द्वारा हा ज्वलंत प्रश्न ठळकपणे मांडण्यात आला. मात्र व्यवस्थापनाकडून केवळ आश्वासन देण्यात आले.
पॅथॉलॉजी लॅब कंपनीच्या पॅनेलमध्ये नसल्याने कामगारांना खासगी लॅबमध्ये जाऊन त्यांच्या चाचण्या कराव्या लागतात, कामगार जेव्हा पॅथॉलॉजी बिल सादर करतो तेव्हा त्या बिलाच्या खर्चाच्या रकमेत मोठी कपात केली जाते