माधव गोटमवाड 
दैनिक चालू वार्ता वृत्तसेवा-
मग तरूणांच्या हाताला रोजगार, आणि आता तर निवडणूक प्रचारासाठी मंत्रीही गुजरातला पाठवले !,
मुंबई : सध्या गुजरातमध्ये विधानसभा निवडणुकीचं वार वाहतंय. या निवडणुकीच्या प्रचारात सर्वच पक्षांचे वरिष्ठ नेते मैदानात उतरलेत.
उपमुख्यमंत्री देवेंद्र फडणवीस यांच्यासह राज्यातील इतर भाजप नेते गुजरातमध्ये प्रचारासाठी जात आहेत. त्यामुळे मंत्रिमंडळ बैठक झाली नसल्याचं बोललं जात आहे. त्यावरून आदित्य ठाकरेंनी शिंदे-फडणवीस सरकारवर निशाणा साधलाय.
आज मंत्रिमंडळ बैठक रद्द करण्यात आली आहे. कारण आपले मंत्री गुजरातच्या निवडणूक प्रचारात व्यस्त आहेत. शिंदे-फडणवीस सरकारने आधी सरकार स्थापन करण्यासाठी आमदार गुजरातला पाठवले. मग तरूणांच्या हाताला रोजगार देणारे मोठे प्रकल्प गुजरातला पाठवले आणि आता तर निवडणूक प्रचारासाठी मंत्रीही गुजरातला पाठवले!, यांना महाराष्ट्रातील प्रश्नांपेक्षा गुजरातची निवडणूक महत्वाची आहे, असं म्हणत आदित्य यांनी शिंदे-फडणवीसांवर निशाणा साधलाय.
